張敬軒終圓男團夢！自嘲中彈老年團做盡「最難頂」動作扭爆全場
2022-12-21 13:15 
張敬軒一連11場的《Revisit Hins Cheung Live》跨年演唱會昨晚在灣仔會展開鑼，首場演出屬於歌迷會專屬場次，軒仔唱出歌迷會主題曲《懷舊情人》等首晚限定作，更兩度安歌答謝樂迷。經過首段銀白西裝開場，獻唱《Deadline》掀開序幕後，軒仔換上另一套黑色披風西裝現身唱《風起了》及《迷失表參道》等，他透露舞衣包括七吋高踭並笑說：「上次演唱會我講過想着男裝高踭鞋，呢對鞋係我出道以嚟着過最高踭，有七吋高！我要向廣大女同胞致敬，日日中環返工着住對高踭鞋，多謝佢哋為市容、令男士們賞心悅目，獻出咗腰骨同和腳踭！」
【相關文章】：
張敬軒相隔七個月再開騷！歌迷送「大精籠」被鬧百厭 觀眾席變大型相睇場合
【點擊睇張敬軒演唱會精采相片】：
軒仔又說在疫情三年來舉行的演唱會，考驗一次比一次大，因陸續有人確診令今次演出連音樂綵排的機會都沒有，與樂隊隔空綵排，目的是保障大家平安，形容今次是挑戰好多不可能的事。軒仔唱《傾慕》後蹲在舞台，原來發現有舞蹈員遺下耳環，即重提上次演出「跌Bra帶」事件，他又指為今次歌單多次重溫以往的作品，發現自己的音樂路改變不少。
隨後軒仔再換上第三套閃片西裝，與紅色鋼琴出現在舞台中央，自彈自唱《靈魂相認》與《遙吻》，引得歌迷接連尖叫，軒仔唱畢向樂迷鞠躬致謝後表示：「我一直開騷都想做到，唔要觀眾睇第一場感覺係睇綵排，啱啱唱《裝睡的情人》多甩漏，陣間搵時間唱多次畀大家！」台下以歡呼聲作回應，軒仔又親解少唱《裝》的原因，因Mac Chew作品音準要求高所以少唱。軒仔表示今次開騷受疫情影響，當中的弦樂3日前才完成，片段也是今日才收到，好多事物都趕在最後一刻，他又「戴頭盔」笑言：「今晚是會員專場，唱得好不好，都是送畀大家的心意。」然後唱《形影不離》。
軒仔近年成為廣告吸金王，特別在「派禮物」環節中送出多個獎品「寵粉」，包括他代言的米線、電動牙刷以及手機送給樂迷，即場手指指欽點得獎者，更預告每晚都會送禮物。隨後軒仔笑言想一圓男團夢，又表示會做盡「最難頂」動作，隨即唱出今晚歌迷會專屬場次限定歌曲《懷舊情人》，軒仔隨舞蹈員走勻舞台又擺動身體，更派心心冧爆歌迷們，緊接再唱《無城有愛》粉紅色射燈配彩帶，最後更做出賀歲電影《超神經械劫案》的應援動作，自認難頂說：「我哋係中彈老年團！我當年建立嘅唱作人身份，今晚毁於一旦！」
而在安歌環節，軒仔率先唱《過客別墅》，他感觸回憶，形容張敬軒未必是最有希望的歌手，但做到沒有令人失望。隨後軒仔又特別提到獲容祖兒撐場，祖兒也在表演期間，上載自拍撐軒仔。軒仔又唱《叮噹可否不要老》回憶當時正值最傷心的時候，獻唱時有「元祖版叮噹」配音員林保全的配音，軒仔表示想將這首歌送給天上的他。第二次安歌尾聲，軒仔唱出《First Love》為表演結幕，軒仔形容是「國際中文版First Love」，屏幕則播出搞笑的廣東話拼音配以日文獻唱，十分搞笑。
【其他文章】：
劉嘉玲提早同鄧愛嘉過節 與「最後貴族」鄧永鏘相交多年去埋英國王室Party
呢啲藝人原來好老友？前亞視小生做梁朝偉首席伴郎 蘇施黃與笑匠竟是舊同學
林夏薇約胡定欣15億山頂豪宅睇波high到爆 坐擁無敵維港景屋企露營勁梳乎
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應