梁靖琪炮製麻辣蘿蔔糕過新年 成功「辣」㷫老公囝囝

梁靖琪（Toby）近年積極進軍飲食界，繼中秋節推出減甜月餅後，今個農曆新年再有新搞作，再度聯推出特色賀年糕點，自稱是「辣妹家族」出身的Toby，研發了麻辣口味蘿蔔糕，連原本不吃辣的老公施雋賢（Jon）對老婆的新搞作讚不絕口。

Toby和品牌合作推出健康月餅。

拍廣告當日，即場跟師傅學整月餅以拍攝時用。

個造型又似模似樣。

Toby爸爸梁家樹有糖尿病，所以都想他食得健康。 ​

已是兩子之母的Toby，近年將家庭放在第一位。

自稱是「辣妹家族」出身的Toby，研發了麻辣口味蘿蔔糕。

連大仔都遺傳到食辣基因。

梁靖琪近年積極進軍飲食界。

推出特色賀年糕點。

身為代言人兼老闆的Toby當然事事親力親為

即場示範煎自家蘿蔔糕及年糕。

Toby邀請到姨甥仔試食。

拍攝當日 Toby 明顯瘦了一圈。

原來她最初計劃12月入組拍攝新劇，所以秘密特訓了一個月Keep Fit。

狀態好好！

施雋賢對老婆的新搞作讚不絕口。

自從誕下大仔Roman和Rian後，Toby大部份時間都把家庭放在第一位，今次這個新搞作與她的「家庭」有關：「基本上我全家都好鍾意，特別媽咪屋企人嗰邊，佢哋直頭可以食成隻辣椒，以前我媽咪最食得辣，依家應該係輪到我喇！」Toby 更笑言成功「辣着」老公：「我老公以前唔食辣㗎，因為我嘅關係，佢依家都食到BB辣，佢食過今次嘅蘿蔔糕都話好完美！」更令人想不到的是，這種辛辣基因早已遺傳給大仔Roman：「有次喺家姐屋企打邊爐，佢唔小心放咗隻辣椒入口，當時真係癲咗。點知阿仔從此之後慢慢接受到，我成日叫佢唔好食辣，佢反而會話少少辣都OK，希望佢大個可以陪我一齊食麻辣打邊爐啦！」

身為代言人兼老闆的Toby當然事事親力親為，不單親自為產品拍攝宣傳照，還即場示範煎自家蘿蔔糕及年糕，更邀請到姨甥仔試食。拍攝當日 Toby 明顯瘦了一圈，原來她最初計劃12月入組拍攝新劇，所以秘密特訓了一個月Keep Fit，希望到時以最佳狀態示人， 不過拍攝工作卻延遲到明年初：「因為今次新劇角色係好識打扮，我要着好多靚衫，自己都想以最佳狀態見人。坦白講生完第二胎真係好難減，可能我係肥底，好彩自己好勤力做Gym同紮肚，老公都讚我Fit咗好多。」

【其他文章】：

羅敏莊與經理人鬧翻慘遭雪藏事業停滯 直認與同期上位歌手關係疏離

楊盼盼愛女過大禮「開箱片」竟見珍珠米蕎麥麵 緊張答謝未來女婿：接收我個女

5大離巢東張女神近況 「小背心」林泳淘結婚做少奶 有位中大碩士做政府部門高層

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ