獎門人丨方力申擔心梁靖琪玩「夾麵包」噴人奶蘭茜代班學曾志偉嗌打和

2022-09-04 22:05

今晚原定是《2022香港小姐競選》準決賽，但因為19位候選佳麗中有6位不幸染疫，因此TVB忍痛取消準決賽，留待本月25日合併決賽一同舉辦。而今晚翡翠台就改播新一集《開心無敵奬門人》，而開場前，TVB總經理曾志偉就連同本來會主持《2022香港小姐競選》準決賽的4位司儀麥美恩、梁凱晴、邵初及關楓馨，在錄影廠內講述今次港姐準決賽遺憾取消的感想，提到事前為做司儀作出很多準備，曾志偉亦分享今次港姐準決賽由舞台設計到節目內容，都安排了很多驚喜給觀眾，想做出面目一新的準決賽給大家欣賞。不過曾志偉亦安慰4位司儀表示雖然沒有港姐準決賽收看，但可以收看沒有「獎門人」的《開心無敵奬門人》。

（左起）梁凱晴、麥美恩、邵初及關楓馨本來會做《2022香港小姐競選》準決賽司儀。

曾志偉在觀眾席為4位司儀鼓掌。

本來今晚會播出《2022香港小姐競選》準決賽，但因為有6位候選佳麗不幸染疫而取消。

4位司儀為《2022香港小姐競選》準決賽做足準備，但暫時未能派上用場。

本來準備咗好多靚衫畀候選佳麗着。

仲有個靚台。

仲有水池。

又有舞台劇表演添！真係好可惜……

事關今晚播出這一集《開心無敵奬門人》，於上月底錄影，由於「獎門人」曾志偉當時確診了新冠肺炎，須缺席錄影，節目組安排昔日獎老之一的蘭茜頂替其位置，蘭茜更以「獎門人腔」嗌出「打和」，可見她代班都跟足平時「獎門人」的裁判方式，呢位用完即棄「獎門人」真係好稱職！

雖然身為節目靈魂人物的「獎門人」缺席，但今集有方力申、吳家樂、周家蔚及梁靖琪等玩得夠放的藝人擔任嘉賓，節目一樣咁精彩。今集「七魔女」僅得湯盈盈、周家蔚、梁靖琪、文頌嫻及鍾麗淇組隊上節目，少咗佘詩曼和姚樂怡，她們都專登找來工作人員戴上佘詩曼和姚樂怡的面具現身。湯盈盈作自我介紹時，更當眾與老公錢嘉樂放閃，非常恩愛，不過玩「爆波波」遊戲時，錢嘉樂不論老婆點撒嬌都不肯代玩，十分公正。而湯盈盈更即場講出錢嘉樂10個優點，讚老公「夠大」，當眾人追問：「邊度大？」湯盈盈才表示：「愛心大！」錢嘉樂即時拖走老婆，怕老婆講多錯多，認真搞笑。

今晚播出的《開心無敵奬門人》，由蘭茜頂替因染疫而缺席錄影的「獎門人」曾志偉。

獎老「班長」話細細個就睇蘭茜上《獎門人》。

蘭茜好耐冇喺綜藝節目上露面。

今晚女子組有佢哋！

男子組有佢哋！

蘭茜學曾志偉嗌打和。

今集有家屬嚟參加。

身為「家屬」的盈盈仲出貓添！

老公錢嘉樂唔肯代佢玩「爆波波」。

盈盈被要求講老公十個優點。

笑死老公錢嘉樂。

盈盈讚老公錢家樂「夠大」，即被拖走。

方力申游水叻，原來玩遊戲都好叻，與鄭俊弘用面玩「夾麵包」，一吓就中，非常犀利。不過當梁靖琪與周家蔚，以心口對肚腩玩「夾麵包」，方力申就在旁表示擔心剛剛才生完不久的梁靖琪會唔會噴人奶，令全場大笑。未知是否因方力申「太多口」，玩「爆波波」時，節目組就出難題給他：「男人第一眼睇女人的地方？」方力申就被眾人質疑冇講真話，數來數去都沒有提及身材。

唔好以為方力申唔玩遊戲就唔會被針對，到何遠東玩「爆波波」時，就被要求說出10個方力申的緋聞女友，何遠東竟表示：「方力申好鍾意食曲奇餅，應該成隊都食晒！」暗指方力申曾與女子組合Cookies多位成員拍拖，但只曾承認鄧麗欣是正牌女友，爆料引全場歡呼。