羅敏莊與經理人鬧翻慘遭雪藏事業停滯 直認與同期上位歌手關係疏離
2022-12-20 14:30 
羅敏莊於1995年是以歌手身分出道，當年一首《挑戰者》成熱門K歌，結果奪得商台叱吒樂壇流行榜頒發「生力軍女歌手金獎」，金獎的得主是陳慧琳，可惜因為唱片公司大執位，再加上與經理人鬧翻，結果羅敏莊的歌手夢碎！後來她去了電台做幕後，直到約滿回復自由身，在昔日於TVB認識的朋友幫她穿針引線，結果順利回到幕前。在娛樂圈工作多年的羅敏莊，今年7月與女兒陳禛移居泰國，老公陳國邦則留港工作，早前接受楊紹鴻主持的《一起走過》訪問，經歷過後，羅敏莊性格已經不再憤世嫉俗，對於同期歌手上位，她卻停滯不前，甚至大家的關係亦逐漸疏離，她直認不爽。
【點擊睇羅敏莊入行經過】：
羅敏莊在初出道與經理人鬧翻而令事業停滯不前，問到是否經一事長一智？羅敏莊說：「唔關呢件事而改變，係隨住慢慢成長，再睇番轉頭又唔係得你一個人係咁，成個世界同社會係有好多唔公平，唔守諾言同唔開心嘅嘢存在，當你睇到好多嘢，而年紀慢慢大，人變得成熟，自己就會改變。」她續說：「會變得冇咁憤世嫉俗，又唔可以話我已經好圓滑，但一定冇以前咁三尖八角，即係識得做人啲囉，冇咁易得罪人，不過後生嗰陣個個都係好易得罪人啦，邊有人一出嚟好滑頭？咁我又唔算係好火爆，但係叫做有個氣焰，而家我過到嚟呢邊，直頭覺得自己好佛系，乜都冇所謂。」
對於同期歌手上位，她卻停滯不前，跟他們的關係亦逐漸疏離，她直認不爽說：「絕對係，大家都唔同世界，我諗唔剩只係我，我意思喺呢行裡面，一齊成長但之後唔同level，我都有聽過一啲直頭係講嘢唔好嘅對待，好似話本來有歌手係一齊玩，另一個紅咗，喺街撞到就扮唔識你，或者講啲說話『你仲係咁咩』，但係我冇遇過，只係自己有呢個感覺，會覺得佢哋咁好，自己仲係坐喺後台聽電話，係咪好慘呢？有自憐嘅感覺。而家睇番轉頭，以前細個、傻豬啫，每個人有唔同經歷，有唔同去向，如果當時有成熟嘅我，會講番畀自己聽，每一個人有唔同嘅路要行，咁我行嘅路就係咁囉！」
【其他文章】：
5位拖延婚期界KOL丨馬國明戀湯洛雯兩年半屢被催婚 陳庭欣拍拖4年豪門夢碎？
何超蓮傳與內地男星竇驍3年情斷 與網民互動簡單兩句粉碎分手傳聞
天師執位｜苗僑偉曾與翁美玲及另一男星山上過夜：唔沖涼，直頭妝都唔落
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應