Juicy叮｜打工仔一原因冀聖誕請兩日假被鬧喊 上司遭網民炮轟

請大假並不需要交代理由。不過，有上司則在網上發文指，一名「00後」打工仔希望可以在平安夜及聖誕節請兩日大假，因此被自己「鬧到喊」，相關行為隨即被網民留言炮轟。

該名上司在香港討論區以「公司個低學歷00後離譜到專登請AL陪女朋友，今日俾我鬧到喊」為題發文，提到公司每逢年尾亦會很忙碌，因此「無人敢攞假」，但指「今朝有條00後居然夠膽死24號想問我請兩日假」。樓主以為對方因有重要事而請假，於是詢問對方請假原因，「點知一問原來佢諗住拎假陪女朋友慶祝聖誕，我即刻叫佢入房插到佢飛起」。

樓主向該名員工表示，「你知唔知公司逢年尾都好忙㗎？你就係因為私人理由就請假要其他人做埋你嗰份？你好唔好意思呀？」對方聞言後未有回應。樓主續指，「老實講啦，你得個中學畢業咁低學歷，平時表現又麻麻，出面無人請你㗎啦，如果唔係公司好心肯留你係度養住你？你條女出嚟做雞都唔掂啦。」樓主指，對方隨後被責罵至「眼濕濕」，在道歉後走出上司房，並指「聽人講佢男人老狗之後喊到眼都腫鬼埋，笑死」。

相關帖文隨即引起不少網民留言炮轟，並指「個小朋友係做特首定點？咁嚴重無咗佢會停㗎間公司？定你有股份？」、「你公司AL policy 有無寫明年尾唔准攞假？拎AL要畀原因？公司唔夠人手，絕對係管理階層問題，每年年尾都唔夠人手，都唔識請contractor?」、「假期係個員工既，你理得佢乜理由去申請，而且又唔係臨時臨急，公司應該有既定假期申請制度，人地跟制度合理申請，你憑乜XX人」、「申請AL天經地義，理得咩原因，無原因都可申請。同樣，唔批亦絕對有權，但鬧人就十分過份」、「如果單野係真嘅，間公司都唔多會好得去邊，而且樓主嘅諗法好幼稚，好令人懷疑點樣可以做到阿頭」等。

帖文來源：香港討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yL