獨家丨肥媽退休三年炒燶股票輸咗5000萬 醒覺個天要佢做嘢「復出」開紅館Show

2022-12-12 07:00
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time -:-
 
1x
    • Chapters
    • descriptions off, selected
    • captions and subtitles off, selected

      肥媽醒覺個天要佢做嘢「復出」開紅館Show ,退休三年炒燶股票輸咗5000萬。
      肥媽醒覺個天要佢做嘢「復出」開紅館Show ,退休三年炒燶股票輸咗5000萬。

      2016年肥媽(Maria Cordero)舉行《友誼長存30週年香港演唱會》正式告別紅館,休息6年,肥媽將於下月27及28日(初六、初七)重返紅館開騷。今時今日的肥媽唔再輕易講「告別」兩字,她自爆退休3年期間,炒燶股票輸咗近5000萬,加上老公又患上重病承擔巨額醫藥費,她才醒覺:「原來個天係要你做嘢,做乜話告別唔做啫!」採訪:方騫平 攝影:孔子 場地:Villa 26

      肥媽下月重返紅館開演唱會,以後唔敢輕易講退休。
      肥媽下月重返紅館開演唱會,以後唔敢輕易講退休。
      黑妹姐係肥媽個唱嘉賓,大爆肥媽好多人追。
      黑妹姐係肥媽個唱嘉賓,大爆肥媽好多人追。
      6年前肥媽告別紅館演唱會,請咗Big Four做表演嘉賓。
      6年前肥媽告別紅館演唱會,請咗Big Four做表演嘉賓。

      肥媽下月舉行兩場《面對面演唱會》除咗搵嚟老、中、青三代嘉賓,包括「黑妹姐」李麗霞、馬浚偉及《聲夢2》亞軍黃洛妍(Janees)外,肥媽仲會「預埋」已故老公Rick:「以前每次我做演唱會,佢都會喺台上打高鼓,到時個鼓手會打我老公套鼓,我會憑歌寄意唱《憑著愛》,希望唔好眼濕濕啦。」

      肥媽感恩上天畀健康佢工作。
      肥媽感恩上天畀健康佢工作。
      肥媽明白到凡事順其自然最好。
      肥媽明白到凡事順其自然最好。
      目前肥媽過住平穩生活。
      目前肥媽過住平穩生活。
      肥媽喺初六、初七開騷,配合農曆新年,保證觀眾會笑住走。
      肥媽喺初六、初七開騷,配合農曆新年,保證觀眾會笑住走。
      老公生前係肥媽鐵粉。
      老公生前係肥媽鐵粉。
      肥媽及黑妹姐經常孖住演出。
      肥媽及黑妹姐經常孖住演出。

      近七十歲仲大把人追

      由於在外地嘅乖孫正值考試,所以唔會返港睇騷:「但佢哋約好2月返嚟同我做70大壽,哈!我45歲後唔記得年齡,都唔想去知,我又唱得、又跳得、又玩得好後生啫,或者仲有好多人媾我呢?」在旁好姊妹黑妹姐證實肥媽有人追,中國人外國人都有,但肥媽耍手擰頭:「我唔要呀!呢個世界有比較嘛,冇人好得過我老公,我經已攞咗個最好,咁其他要嚟做乜?𠵱家我不知幾開心,身邊大把伴,周三及周六做直播,又要做《中年好聲音》及幫愛犬沖涼,日內要錄一首黃家駒生前為我寫嘅歌,分別會唱英文及廣東話版,忙到將部份工作pass畀黑妹。」

      孫女明年2月回港為肥媽慶祝70大壽。
      孫女明年2月回港為肥媽慶祝70大壽。
      家中愛犬帶畀肥媽歡樂及寄託。
      家中愛犬帶畀肥媽歡樂及寄託。
      老公走咗兩年,肥媽依然感覺到對方常伴左右。
      老公走咗兩年,肥媽依然感覺到對方常伴左右。

      由八蚊跌到得八個仙

      69歲的肥媽唔敢再講退休,她無奈爆料:「當日揸住4、5千萬現金,咪覺得應該告別囉,講完之後投資失利冇晒,我老公仲患上重病,前年走埋。」原來當初肥媽因為識人,諗住唔會衰,入咗5千萬關於電燈嘅香港科技股:「朋友仲保證話『衰咗咪畀返你囉!』點知佢都破咗產,點叫人賠?𠵱家嗰隻股票都停埋牌。」至今她仍然好記得驚心動魄的一日:「嗰日喺TVB煮緊餸(錄影),睇住銀行股價由8蚊大跌至8毫子,過咗幾日跌到8個仙,結果輸剩200萬,好彩係正經人家唔係炒孖展,唉!過咗去就過去,唔係你就唔係你,冇得傾。」「重創」後肥媽做人反而變得更積極:「唔緊要嘅,個天都畀健康我做嘢啫,雖然跑唔返幾千萬條數,但都OK跑返少少嘅,至少喺世界各地嘅物業及鋪位全部已供滿,𠵱家可以過住平穩生活,賺吓錢做吓善事。」

      退休3年期間,肥媽兩公婆周遊列國好sweet。
      退休3年期間,肥媽兩公婆周遊列國好sweet。
      肥媽入廚房就開心,𠵱家每周做兩日烹飪直播,其中一日孖住黑妹一齊做。
      肥媽入廚房就開心,𠵱家每周做兩日烹飪直播,其中一日孖住黑妹一齊做。
      老公病入膏肓時,肥媽做Live喊住唱《憑著愛》。
      老公病入膏肓時,肥媽做Live喊住唱《憑著愛》。
      老公身患重病時仍力撐肥媽做烹飪直播,走前叮囑她一定要做落去。
      老公身患重病時仍力撐肥媽做烹飪直播,走前叮囑她一定要做落去。

      將海外物業分畀啲孫

      肥媽又透露已寫晒平安紙分身家,海外物業會分晒畀啲孫,早生嘅早享受:「我老嘞,唔使要喇,如果佢哋唔鍾意,咪將啲物業捐咗出去囉,關我鬼事咩,我叫做有嘢留畀佢哋。」肥媽指當日低價買樓,因為兩老打算周遊列國探吓兒孫,但計劃趕不上變化,當兩公婆供完晒樓,老公就先行一步。老伴離世她也不再置業:「不過,慶幸嗰幾年唔使做嘢,可以日夜陪到佢周圍去打波及見晒啲孫,諗返轉頭都算冇遺憾。」

      肥媽最近返沙巴,將老公生前最愛嘅海外豪宅轉讓畀乖孫。
      肥媽最近返沙巴,將老公生前最愛嘅海外豪宅轉讓畀乖孫。
      肥媽和李家鼎明年會合作飲食節目。
      肥媽和李家鼎明年會合作飲食節目。
      𠵱家肥媽過住平穩生活,賺到錢就做吓善事。
      𠵱家肥媽過住平穩生活,賺到錢就做吓善事。
      之前肥媽到泰國旅遊散心,不愁寂寞。
      之前肥媽到泰國旅遊散心,不愁寂寞。

      《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ 

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策