Juicy叮｜4個人食放題叫60碟點心惹議網民：「人出點心你出命」

2022-11-23 10:12

不少人亦喜歡與朋友一同食放題。有食客則在網上分享指，與3名友人一同吃點心放題，共點了60碟點心，並指「阿姐都話我哋痴咗線」。相關帖文隨即引起熱議，有人大讚樓主一行人「好食得」，亦有人直言「人出點心你出命」。

請點擊組圖瀏覽：

有網民分享指，與3名友人一同吃點心放題。香港討論區圖片

樓主一行人共點了60碟點心，「上咗48碟，全部食晒；另12碟分咗去其他枱」。香港討論區圖片

樓主指，「阿姐都話我哋痴咗線」。香港討論區圖片

樓主又提到，「因為有2個肥佬，大食係正常」。香港討論區圖片

相關帖文隨即引起熱議。網頁截圖

有網民則直言「人出點心你出命」。網頁截圖

該名食客在香港討論區發文，指與3名友人一同享用可任食90分鐘的點心放題，共點了60碟點心，總費用為432元，並指「阿姐都話我哋痴咗線」。樓主隨後補充指，「上咗48碟，全部食晒；另12碟分咗去其他枱，食得開心，盡興，不浪費」，並提到「因為有2個肥佬，大食係正常」。

相關帖文隨即引起熱議，有人認為「嘩! 睇見都開心，仲要有飯到肚，好食得」、「食得晒，誰怕！」、「兩年都食唔到60碟」、「平均一個人食15籠嘢超勁」、「最緊要不要浪費，畀我會從此怕咗食點心」等，亦有人分享指，「我呢邊4個人食咗60幾碟呀！點就點得好正常，但走咗人個啲我地執晒死雞。我地有位係肥仔，所以連包都執咗2籠。我哋食咗7籠燒賣，5籠蝦餃，5籠牛肉球，6碟桂花糕，5蝶腸粉，其他不能盡錄。」

有人則關心樓主一行人的身體，並指「小心壞身體」、「人出點心你出命」、「食咩都好！要適可而止，最後咪辛苦自己」「酒樓出點心，客人出命，小心」、「吃多了好辛苦，身體負荷大，對身體不好」、「小心食壞身體」等，亦有人批評「貪心，浪費」等。樓主在回覆網民留言時則指，「這是放題，食得晒點叫貪心?唔係偷唔係搶，畀足錢，振興經濟。食得盡情，賣得開心，皆大歡喜呀！4個字~ 食得係福！」

帖文來源：香港討論區