梅小青睇好陳展鵬鮑起靜奪視帝視后 方俊下月為張偉文擺大壽送溫暖

張偉文經理人方俊媽媽麗麗姐日前90大壽，前無綫「金牌監製」梅小青、姚煒、張偉文、胡渭康、環星娛樂老闆張國林等出席賀壽，席間梅小青開金口跟方俊唱出《漫步人生路》；張偉文和方俊又合唱《每當變幻時》，姚煒及小青姐從旁打氣，曾患過新冠肺炎嘅張偉文十分精靈。

經理人方俊媽媽麗姐日前90大壽，梅小青、張偉文到賀。

經理人方俊媽媽日前90大壽，梅小青、張偉文、胡渭康、王美蘭、環星娛樂老闆張國林等出席賀壽。

席間梅小青開金口跟方俊大唱《漫步人生路》。

方俊有情有義獲姚煒力撐。

之前梅小青接受鄭丹瑞節目訪時，自爆曾患上初期膀胱癌，左腦有血管又塞咗95%！幸能及時作適切治療，故完成《法證先鋒IV》後退休。問到現時健康狀況？小青姐笑晒口形容係十分好，她好開心報平安：「我有Keep住去做檢查，醫生話我樣樣都好，健康仲好過佢喎！」至於會否重返拍劇？她表示有keep住義務寫劇本，又大讚最近TVB啲劇集好好睇，尤其喜歡鮑起靜啲戲。

小青姐形容目前健康狀況十分好。

小青姐大讚鮑姐喺《下流上車族》中演得好感人。

小青姐自爆曾經患上初期膀胱癌。

梅小青接受鄭丹瑞訪時爆出發現左腦有血管塞咗95%！

以小青姐專業眼光，今年視帝、視后又誰屬呢？她坦言一向鍾意鮑姐：「我有睇《下流上車族》，佢嘅戲一直好感人，以往同佢合作過《法證先鋒IV》，佢啲戲超正，搞到我完全唔記得嗌Cut，好鍾意佢。至於心目中嘅視帝、視后有好多，但特別鍾愛係陳展鵬。展鵬喺《超能使者》中做得好好，而且個劇本畀機會佢表現，佢又捏拿得好好；鮑姐係視后就開心，(兩個係膽？)係我期望啫！」不過，最後小青姐都戴返個頭盔，強調得獎仲要配合其他因素嘅。

陳展鵬及鮑姐係小青姐心目中嘅視帝及視后。

小青姐跟鮑姐、黃心穎、黃浩然合作過《法證先鋒IV》。

鮑姐嘅戲冇得輸。

小青姐大讚陳展鵬喺台慶劇《超能使者》中做得好好。

演到聲淚俱下。

張偉文冇長新冠愈嚟愈精靈

 

另外，病癒後嘅張偉文慶幸冇出現長新冠症狀，而且愈來愈精靈，下月21號係張偉文70歲大壽，方俊決定喺酒樓包場，筵開20席為張偉文擺壽宴慶生：「疫情下幾年未能聚會，好多歌迷及朋友對偉文健康非常關心，所以今次以70歲大壽作為主題，等大家同佢慶祝吓。」張偉文跟方俊情如父子，方俊再說：「佢長住老人院比較悶，希望佢能感受到歡樂及朋友對佢嘅愛，令佢更有動力，明年再做演唱會。」

姚煒都好錫張偉文。

張偉文愈來愈精靈。

當晚主人家方俊忙於招呼親友，不忘安排男助手照顧張偉文，有情有義。

方俊下月為張偉文擺大壽。

方俊咁錫張偉文，難怪成日被人誤會方俊係張偉文私生子，好搞笑。

方俊期望張偉文明年再開演唱會。

今年初方俊親自接康復嘅張偉文出院。

張偉文食好西就開心。

每逢大時大節，方俊會接埋張偉文回家。

方俊仲出錢出力為張偉文放生祈福。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ