資深演員高雄憶述拍劇墮馬命懸一線 成個腦由頭到尾裂開：睇到微絲血管郁
2022-11-22 16:30 
現年77歲、在娛樂圈打滾超過50年的資深演員高雄，當年在邵氏龍虎武師出身，憑《精武門》一炮而紅，其後接拍了不少電視和電影，當中包括有《蝶變》、《地獄無門》、《霍東閣》、《再造繁榮》、《香港傳奇人物之一代賭王》、《飲馬江湖》及《新紮師兄1988》等等，到了1996年移民到溫哥華，其後亦有回流返港拍劇，但近年主力在內地拍劇， 甚少在香港見到他的演出。日前高雄接受好友楊紹鴻、文頌嫻主持的港台節《一起走過》訪問，重提當年在韓國拍劇受重傷，走過鬼門關的經歷，楊紹鴻亦自爆早年虧欠了高雄。
【點擊睇高雄精彩劇照】：
當年動作片在香港很盛行，動作演員出身的高雄當然很吃香，不過在1971年，高雄在韓國拍攝期間，意外墮馬受重傷，足足瞓了兩個月醫院：「嗰陣跌咗落地，仲畀隻馬高速拖住行咗一段路，之後我唔知發生乜嘢事，只係記得畀隻馬揈咗落嚟暈咗。嗰次我係幾乎死咗，拍攝地點係離開漢城（首爾）要3個鐘頭車，好彩入到醫院仲喺度，救得番我。嗰陣我住間病房係最高危，分分鐘係會死，本來我係未出得院，醫生仲話我今日可出得院，係我好彩，當時佢都冇把握可以救到我，因為我照X光係睇到成個腦由頭到尾係裂開咗，係睇到微絲血管喺度郁，所以希望微絲血管可以癒合，萬一斷咗嘅話，就算救番下半生都係植物人。」重提留院經過，高雄說：「我昏迷咗差唔多4、5日先醒，之後唔可以落床，大小便都要護士幫忙，雙手仲有10幾個窿，我仲啱啱結咗婚冇耐，太太又陀緊B，所以冇通知佢。」經過這次死裡逃生，高雄對動作片未有陰影，反而對馬有陰影。
楊紹鴻在節目自爆在2006的亞視年代，因為《香港奇案實錄》其中一個單元《屋邨狂父斬頭》而高雄與TVB發生不愉快事件，但高雄反而說：「我永遠記喺心裏面，唔係你欠我，係我欠你，因為我哋當時傾好晒條件，同TVB仲有少少時間合約未完，所以應承咗完約先過亞視，點知後來發生咗突發事件，我同楊紹鴻講唔簽得約，就同佢拍呢三集戲，因為我真係好鍾意呢個劇本。」雖然當時有朋友勸他不要接拍，搵唔到錢又影響形象，但他覺得只是做戲，未有想太多。其後高雄被TVB高層召見，即使表明不會同亞視簽長約，純粹幫朋友是出於道義，但仍然被冷待了兩年，他便決定返內地拍劇，想不到殺出一條血路：「人生就係咁樣，亦因為咁曲折離奇嘅嘢，令到個人仲更加成長得快，經得起考驗。」
【其他閱讀】
中年好聲音｜鄺文珣富商老公入圍 52歲眼大有型俊男曾讀TVB藝訓班追夢
葉翠翠晒9千萬3千呎豪宅 飯廳設巨型聖誕樹擁私人花園大到可放波波池加泳池
綠葉王以資深排舞師現身台慶 曾為張國榮伴舞靠《天龍八部》段延慶北上搵銀
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應