戴耀明入行30年獲提名男配角興奮到癲咗 ：對我嚟講好紀念價值
2022-11-22 19:00 
入行30年的TVB綠葉王戴耀明終於獲得嘗識，雖然入行多年拍過不少劇集，但發揮的機會不多，來來去去都是「傻仔」、「古惑仔」等小人物角色，始終欠缺了一個機會，到了2017年，事業開始見到曙光，因為拍了一套愛奇藝網絡電影《爆裂老婆三歲夫》，不單飾演男主角，在內地更打開了知名度，今年因《青春不要臉》和《360秒人生課堂》的關係，令觀眾對戴耀明有更深入的了解，幕前演出的機會多了，更入圍今年台慶頒獎禮的「最佳男配角」和「最受歡迎電視男色」。戴耀明今日回覆《星島頭條》，對於首次獲得提名，他興奮地說：「我真係完全唔敢諗有冇得攞獎， 有提名已經開心到癲咗。」
【點擊睇戴耀明綠葉王之路】：
對於首次獲得提名，戴耀明回覆《星島頭條》時興奮地說：「多謝啲網民當初喺網上咁多評論和 like ，因為《青春不要臉》係喺年頭播，差唔過咗成年，我都估唔到原來都有機會，所以真係好多謝公司。我真係完全唔敢諗有冇得攞獎， 有提名已經開心到癲咗，今次對我嚟講好紀念價值，就好似我喺呢套嘅個角色裏面，有一場戲係同一班學生講嘅一個做人座右銘 ：『天行健君子以自強不息』， 唔知點解感覺個編劇好似係特登為我哋一班綠葉演員寫出嚟嘅對白。」
戴耀明在1992年於亞洲電視出道當演員，翌年即轉投TVB，並投考無綫電視第6期藝員進修班，同班同學包括蔡子健、伍文生和傅明憲等，因為性格好動又「怕悶」，所以他從少立志當演員：「今日可以做飛機師，聽日可以做律師，後日可以打劫阿婆，諗起都開心！」雖然參演逾百套劇集，演過無數角色，可惜仍然有觀眾記不起他的名字，更曾先後兩次在街上被指是「茄哩啡」，對戴耀明而言，當然有試過難受，所以他曾在Bob的節目上表示：「我唔係邊個邊個，我亦唔係茄哩啡，我個名叫做戴耀明。」
戴耀明為家中獨子，父親於十多年前逝世，所以要獨力負起照顧母親的責任，為照顧八十多歲的母親，亦放棄不少北上發展機會，不過戴媽媽思想單純，最大心願當然是阿仔能找到一個好的女伴，曾經有傳戴耀明暗戀佘詩曼一事，戴耀明笑說這是不負責任的說話，但大讚阿佘是好正的女人：「我相信好多人跟我一樣，有娶她的想法。」單身多年的戴耀明，今年與前度復合並宣佈婚訊。
【其他閱讀】
中年好聲音｜鄺文珣富商老公入圍 52歲眼大有型俊男曾讀TVB藝訓班追夢
葉翠翠晒9千萬3千呎豪宅 飯廳設巨型聖誕樹擁私人花園大到可放波波池加泳池
綠葉王以資深排舞師現身台慶 曾為張國榮伴舞靠《天龍八部》段延慶北上搵銀
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應