Juicy叮｜暫代阿媽煮飯慘被家人批「豬都唔食」 港女呻：被嫌三嫌四唔好受

家人之間應該互相體諒。一名港女日前在網上發文，提到由於母親前往旅行，因此需要暫代負責每晚的晚餐。她指，在下班後需買餸煮飯甚為疲累，但被家人嫌棄，父親更直言「攞去喂豬，豬都唔會食」，令她大呻「好心煮飯仲要畀人嫌三嫌四嘅感覺真係唔好受」。

該名港女早前在香港討論區以「好心煮飯仲要畀人嫌三嫌四嘅感覺真係唔好受」為題發文，指由於母親前往旅行，因此需要暫代負責每晚的晚餐。她指，每日要思考菜式甚為困難，並指母親以往每日亦會有不同的菜式，基本上每一餐亦會有「3餸1湯」。她續指，在下班後需要買餸煮飯已甚為疲累，但父親及妹妹卻「嫌三嫌四」，「又話唔想食呢樣果樣，又話煮得唔夠味」。她認為，「真係煮畀佢地食已經好好，仲要咁多要求，又唔肯自己煮」，並指父親更直言「攞去喂豬，豬都唔會食！」

她指，有品嚐自己煮的餸菜，認為味道正常，亦稱得上美味，但家人則認為叫外賣更好。她解釋指，不想叫外賣是為了家人的身體著想，因為外面的食物有不少味精，認為自己在家中煮飯會較健康，價錢亦會較便宜，但指「咁辛苦煮畀佢哋食佢哋仲咁多嘢講，突然明白咗阿媽平時煮飯原來係咁辛苦㗎」，又指「等阿媽去完旅行番嚟我就唔會煮」，並直言「真係煮到心很累」。

相關帖文隨後引起熱議，不少人同情她的遭遇，並指「吃力不討好～下次煮畀自己食」、「咁講野好過份~ 你唔好再煮，等佢哋伸個頭出窗口度食風」、 「咁叻，攞去喂豬都唔畀佢哋食」、「嫌三嫌四，但最後有無食你整嘅嘢先？如果有就唔洗理佢哋啦！反正豬唔食嘅佢哋都食到，即係實際對食物無要求啦」等。

另外，有人則認為「咁辛苦自己做咩，叫外賣算啦」、「我哋係自己煮番自己那碟，餸都係各有各買，唔會煮畀家人吃，因每人口味都唔同」、「首先相信樓主唔係喜歡煮飯餸的人，要知道對煮野冇熱誠好難煮出好味，最多只系唔難食。所以你自己覺得冇問題。既然屋企人唔想食你又何必勉強大家呢」、「兩餸飯平靚正使乜搞咁多嘢」等。

帖文來源：香港討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY