獨家丨喬寶寶下月初再做爺爺 蘇格蘭每日湊孫12個鐘唔識攰

定居蘇格蘭的喬寶寶最近雙喜臨門，媽媽80歲生日擺大壽外，下月初再做爺爺。喬寶寶提到湊孫難掩興奮心情，聲稱日湊12個鐘都係樂趣，唔會嫌攰，他仲自爆「打茅波」，每日用10幾個鐘，喺1歲3個月的大孫耳邊疲勞轟炸，成功教識佢只係叫「爺爺」。採訪：方騫平

喬寶寶在蘇格蘭以湊孫仔為樂。

喬孫孫今年萬聖節變身可愛小南瓜。

喬寶寶好享受湊孫。

喬孫孫好Cute。

喬孫孫轉眼已一歲三個月大。

喬寶寶唔介意畀晒啲時間喺孫仔身上。

喬孫孫精靈可愛。

喬寶寶原先計劃今個月帶埋家人返港為媽媽擺大壽，順道畀親友見吓可愛的喬孫孫，但入境香港隔離期要「0+3」，加上好多附帶條件，最後選擇喺蘇格蘭慶生，親友們都可以玩得free啲。當日設6席食印度菜，老人家相當高興。

親友聚首一堂好熱鬧呀。

喬媽媽80歲生日，希望一家人齊齊整整。

一家人齊賀喬老媽80大壽。

教孫仔只叫爺爺

提到新抱下月初分娩誕第二胎，兒媳未有透露腹中塊肉係男定女：「阿仔話今次生女，兩個就夠晒數，又係仔就會追多個，其實生仔生女我哋都冇所謂啦，養得到咪得囉。」語畢，他又開心分享做爺爺的樂趣：「喬孫孫識得叫爺爺、打打、拜拜、好嘢、好爺，尤其我成日喺佢耳邊講打打，打打發音印度話係爺爺，佢𠵱家講唔到阿爸、阿媽。」

兒子「印度豹」下月就一家4口。

今年8月尾，喬孫孫一歲生日。

寶寶忍唔住奸笑：「阿仔成日叫我教佢講阿爸、阿媽，不過我只係教佢講阿爺，亦都冇教佢講阿嫲，哈哈，佢𠵱家嗌親邊個都係爺爺，叫阿爸、阿媽、我老婆全部都係爺爺，我個仔應該冇呷醋，新抱就好難講，哈，其實邊個畀多啲時間咪邊個著數啲囉，呢個世界好公平嘅，我每日湊佢最少12個鐘，湊孫好開心唔會講攰，日後最多去吓登台及客串拍電影賺快靚正錢。」問到送乜畀細孫？他指之前經已送咗一張BB牀，唔可以送夠兩張：「兩張牀嘅英文諧音係Too bad，即係好衰咁解。」

喬寶寶個孫仔超得意，難怪𠵱家以家庭為重。

寶寶湊孫同時會客串拍吓電影。

喬寶寶對住喬孫孫好有愛。

17年前喬寶寶因《殘酷一叮》闖出名堂。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ