独家丨乔宝宝下月初再做爷爷 苏格兰每日凑孙12个钟唔识攰

定居苏格兰的乔宝宝最近双喜临门，妈妈80岁生日摆大寿外，下月初再做爷爷。乔宝宝提到凑孙难掩兴奋心情，声称日凑12个钟都系乐趣，唔会嫌攰，他仲自爆「打茅波」，每日用10几个钟，喺1岁3个月的大孙耳边疲劳轰炸，成功教识佢只系叫「爷爷」。采访：方骞平

乔宝宝在苏格兰以凑孙仔为乐。

乔孙孙今年万圣节变身可爱小南瓜。

乔宝宝好享受凑孙。

乔孙孙好Cute。

乔孙孙转眼已一岁三个月大。

乔宝宝唔介意畀晒啲时间喺孙仔身上。

乔孙孙精灵可爱。

乔宝宝原先计划今个月带埋家人返港为妈妈摆大寿，顺道畀亲友见吓可爱的乔孙孙，但入境香港隔离期要「0+3」，加上好多附带条件，最后选择喺苏格兰庆生，亲友们都可以玩得free啲。当日设6席食印度菜，老人家相当高兴。

亲友聚首一堂好热闹呀。

乔妈妈80岁生日，希望一家人齐齐整整。

一家人齐贺乔老妈80大寿。

教孙仔只叫爷爷

提到新抱下月初分娩诞第二胎，儿媳未有透露腹中块肉系男定女：「阿仔话今次生女，两个就够晒数，又系仔就会追多个，其实生仔生女我哋都冇所谓啦，养得到咪得罗。」语毕，他又开心分享做爷爷的乐趣：「乔孙孙识得叫爷爷、打打、拜拜、好嘢、好爷，尤其我成日喺佢耳边讲打打，打打发音印度话系爷爷，佢𠵱家讲唔到阿爸、阿妈。」

儿子「印度豹」下月就一家4口。

今年8月尾，乔孙孙一岁生日。

宝宝忍唔住奸笑：「阿仔成日叫我教佢讲阿爸、阿妈，不过我只系教佢讲阿爷，亦都冇教佢讲阿嫲，哈哈，佢𠵱家嗌亲边个都系爷爷，叫阿爸、阿妈、我老婆全部都系爷爷，我个仔应该冇呷醋，新抱就好难讲，哈，其实边个畀多啲时间咪边个著数啲罗，呢个世界好公平嘅，我每日凑佢最少12个钟，凑孙好开心唔会讲攰，日后最多去吓登台及客串拍电影赚快靓正钱。」问到送乜畀细孙？他指之前经已送咗一张BB牀，唔可以送够两张：「两张牀嘅英文谐音系Too bad，即系好衰咁解。」

乔宝宝个孙仔超得意，难怪𠵱家以家庭为重。

宝宝凑孙同时会客串拍吓电影。

乔宝宝对住乔孙孙好有爱。

17年前乔宝宝因《残酷一叮》闯出名堂。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ