飯戲攻心丨鄧麗欣求公平等王菀之林明禎「找數」 期望出第二集：打鐵要趁熱

鄧麗欣（Stephy）今日到中環出席時裝活動，對於有份主演電影《飯戲攻心》票房突破7,200萬，Stephy期望票房能一日多過一日：「去到呢個數字已經係超乎晒所有人嘅想像，已經非常開心，之後多一蚊都係bonus。」Stephy表示之後將會繼續進行謝票及慶祝活動，亦期望電影在餘下的上映時間能繼續衝刺。

鄧麗欣換上冬裝出席時裝活動。

鄧麗欣期望電影《飯戲攻心》票房能一日多過一日。

鄧麗欣想盡快拍電影《飯戲攻心2》。

Stephy笑指現時最期待的是其他演員王菀之和林明禎等「找數」：「唔知點解𠵱家仲問緊我，我明明就找咗(晒泳照)。」問到票房再創佳績可會再加碼？Stephy則有所保留：「我唔會好似上次咁樣預先應承大家，同埋我覺得我唔可以找兩次數，咁樣唔係幾公平，等其他人找埋先，係團隊精神。」

鄧麗欣主演電影《飯戲攻心》票房突破7,200萬。

咁好身材嘅林明禎晒泳衣相冇難度。

鄧麗欣之前已經找咗數晒泳照。

Stephy最期待的是其他演員王菀之和林明禎等「找數」。

問到是否想原班人馬開舞台劇，Stephy說：「其實有呢個諗法，不過我哋睇大佬（黃子華）頭，要睇吓大佬有冇呢個檔期，但有講話想開拍2，如果有嘅話我當然非常之期待，咁就要催下Sunny（陳詠燊）睇吓佢幾時寫到新劇本出嚟，因為打鐵趁熱呀嘛！」Stephy稍後可會亮相以「Monica」主題的巴士，帶給大家驚喜？Stephy笑說：「話明係Surprise梗係唔話畀你知，不過嗰架巴士係我細個成日都坐，所以特別有親切感，入咗行之後都少坐巴士，所以都想趁呢次機會坐吓。」

大馬女神林明禎好可愛。

電影《飯戲攻心》票房報捷。

希望原班人馬拍第二集。

合作得好開心。

等子華神安排做埋舞台劇。

對於前Cookies成員蒲茜兒（Serena）早前宣佈離婚，Stephy表示一直有跟對方聯絡：「不過中間有斷時間可能佢消化緊個情緒，所以冇直接聯絡，我都唔想打攪佢，所以都只係簡單問候咗佢，希望佢有機會嚟香港，我哋可以見面，因為都好耐冇見。」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ