陳敏之爸爸原來撞樣夏韶聲 稱對方Daddy但唔敢直望對方超過5秒： 我怕我哭出來
2022-10-25 20:30 
陳敏之近年瓣數多多，與友人合資開曲奇餅店，又設立個人YouTube 頻道，最近更踩入美容界，自資護膚品牌。日前趁有空檔與夏韶聲相約聚舊，社交網貼出與夏韶聲攬到實的合照並以Daddy來稱呼對方，原來背後有一段故：「這天晚上，我跟Daddy重聚了。大家都會好奇問我，為什麼我會稱呼Summer哥哥做Daddy呢？因為我的親生爸爸跟他有9成相似，這已是家族裡人人都認同的事情，所以今次能夠重聚，全靠Mandy安排，我真係好開心，完全不敢望住Daddy超過5秒，我怕我哭出來，就尷尬了，最後他還介紹我買了一個非常珍貴的黑隕石，真的很神秘很美麗， Thank you Daddy！」網民都紛紛留言表示：「兩父女真係有啲似樣！」
【點擊睇陳敏之同夏韶聲有幾似樣】：
陳敏之的爸爸在2003年發現患上末期肺癌，一個月後後惡化病逝，當時敏之抵受不了這份傷痛，患上抑鬱及厭食，體重一度跌至九十多磅，瘦到皮包骨：「爸爸過身後，我基本上想送埋自己走，因為覺得都係上天家。當時係唔想做人、想死，只係想見返佢，加上當時未有老公同囝囝子樂，雖然放唔低媽媽，但真係好想走，每日淨係飲一啖水。」
後來在陳媽媽的建議下，敏之返教會與牧師傾訴，其後更向媽媽提議搬屋，因為舊居充滿著爸爸的氣味：「賣樓然後搬，雖然係貴啲，但我同媽媽講唔緊要，一齊捱。其實我無錢供，不過相信TVB幫到我，本身我供大份，媽媽供細份，半年後我自己供晒，證明工作真係有成績。」
【其他閱讀】
57歲陳慧嫻飽受情傷不抗拒拍拖 抱隨緣心態：現在不是放第一位
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應