TVB上位小生黃庭鋒碩士畢業竟認讀書差 曾中台慶51萬大獎被催買樓

34歲黃庭鋒自2016年加入無綫就備受力捧，短短兩年已有機會在劇集《救妻同學會》擔任要角，2021年更入圍《萬千星輝頒獎典禮2021》「飛躍進步男藝員」最後六強，努力觀眾都有目共睹，今年更於劇集《OPM》首度擔任男主角。日前陳敏之就邀請黃庭鋒作客她主持的網上節目《Chi Chat》，坦言找黃庭鋒做嘉賓完全因為對方靚仔！

黃庭鋒接受陳敏之訪問。

黃庭鋒是無綫上位小生。

黃庭鋒曾與吳幸美、譚玉瑛拍攝《香港原味道》。

黃庭鋒近年有很多拍劇機會。

黃庭鋒今年到在北京採訪冬奧，因在攝氏零下30度的低溫天氣下缺氧不支而一度暈倒。

黃庭鋒表示好怕凍。

着咁多衫都頂唔順。

黃庭鋒於2018年無綫台慶上得到51萬現金巨獎。

黃庭鋒最後拎咗啲獎金去買樓。

早前終於收樓。

黃庭鋒仲有個家姐。

黃庭鋒的爸爸給予他很多支持。

黃庭鋒細個好可愛。

黃庭鋒表示自己讀書時成績不算好。

擁有體育及運動科學系學士及體育系文學碩士學歷的黃庭鋒，自小對運動有興趣，但就表示自己不擅長讀書，「外人睇就係……哇！碩士喎！又英國又日本（留學），又識好多語言，好似讀書好叻咁，我敢講一句其實我廢㗎！我真係讀書廢，我唔係排名好前嗰班，頂多排中間，有時中間後啲。」當陳敏之稱，認為他是一個幸運兒，想做任何事都有父母支持，他亦點頭表示同意。

2018年抽中台慶巨獎
雖然看似一帆風順，但黃庭鋒表示自己缺抽獎運，於2018年無綫台慶上得到51萬現金巨獎，是他人生首次中獎。他透露本來想將獎金給父母去旅行，但後來改變主意：「其實（獎金）擺咗好耐，因為唔想諗點用，就畀我父母去旅行，點知咁啱撞上新冠肺炎。於是突然我阿媽行行吓街見到個樓盤，喺天水圍……佢每兩日同我講一次叫我買，佢好想我快啲『上車』。」最後他聽從媽媽意見買樓。

其實父母一直很支持黃庭鋒，節目中他分享年少時因熱愛踢足球，大膽向父母開口希望到阿根廷學踢足球：「我打畀我老竇，我想去阿根廷踢波，不過好貴……跟住大家靜咗5秒，佢話『去啦，有今生冇來世，再唔去你就去唔到㗎啦』。」他表示當下聽到爸爸無條件支持自己，感到非常窩心。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ