Serrini唔想再做惡女人 成日扮王菀之講嘢：做一個溫柔嘅人
2022-10-14 12:45 
歌手梁嘉茵（Serrini）、湯令山（Gareth T.）、岑寧兒等昨晚到灣仔出席音樂頒獎禮，岑珈其則擔任大會司儀。以高叉露背長裙現身紅地氈的Serrini，當遇上男扮女裝的KOL鹽叔後，即時大叫「細佬」兼爆粗，並衝向對方時笑指與對方撞衫，之後兩人更一起擺pose影合照。
【點撃睇音樂頒獎禮音樂人靚相】：
將於12月與王菀之（Ivana）在會展開騷的Serrini表示最近因受朋友操影響下走去練「大隻」，已練了兩星期，但否認是為開騷做準備：「開騷要練歌，好緊張，我唱歌又冇乜氣，因為我今年唱歌都係做人嘉賓，同埋錄緊嘢，所以想留返啲力，同埋主要係背歌詞，因為唔想到時要睇提字機。」Serrini透露11月將推出與Ivana合唱歌《惡品味殺神事件》，該曲黃偉文填詞、Ivana作曲，她指由於很高音，所以唱時也覺得辛苦：「佢（Ivana）嘅高要求令我有進步。（開騷驚唔驚都係咁高要求？）好呀，我個人最鍾意高要求，教練對我高要求，我就會再練大隻啲，希望好似Tyson Yoshi咁大隻。」
Serrini又透露月底會推出一首有關冬日主題的歌曲，更笑指不想繼續做惡女人：「我想做一個溫柔嘅人，我覺得王菀之可以教到我好多嘢，我而家成日扮佢講嘢，佢好可愛、好多想法、好活潑，所以我覺得演唱會都會好有驚喜。」她指演唱會本來5月開始準備，但因疫情關係而一直延期，現在只希望演唱會能平安度過，雖然個唱未賣飛已加至四場，問到會否再加場，她說：「我唔知加唔加到，如果可以加網上都幾好，但唔知有冇人睇，對自己冇乜信心。」Serrini笑言與Ivana走在一起就如個唱主題「Fairy Nice To Meet You」般有火花：「佢真係有仙氣，我就有妖氣嗰隻fairy，夾埋一齊其實好有趣，今次揀曲，我係將我最女性化嘅歌擺晒落去，所以fans如果以為我又會尖叫嘅話，應該會無所適從。」
【其他文章】：
盧瀚霆結束韓日散心旅程盡興而返 數百fans接機為「教主」打氣場面墟冚
MIRROR復出將全員出席《AllStar籃球賽》 AL鄭欣宜《神の拉闊》落實11月舉行
中環海濱12月辦巨星音樂會！前韓團隊長台灣天團新加坡天王齊集？
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應