梁祖堯激讚顧定軒陰柔剛強兩瓣都得認真考慮度身訂造角色邀合作

2022-10-13 19:15

梁祖堯、顧定軒、陳柏宇（Jason）及葉巧琳等今日到中環出席記者會，顧定軒身形瘦削了不少，他解釋因昨晚首次舉行個人騷，太緊張關係所以瘦了5磅，笑指他現時可以吃多點，他即透露正相約一班《全民造星》學員與梁祖堯一起聚舊，又指梁祖堯在《造星》時經常會為學員煮食，自己最喜歡吃他整的紅蘿蔔蛋糕，因為既健康又好味，問到梁祖堯是否有興趣開餐廳，他笑說：「煮嘢食叻嘅人，就唔應該開餐廳，煮下畀身邊嘅朋友食就算喇！」他直言將興趣變成生意就會變得不開心，因為一定蝕本，所以雖然有很多朋友找過他合作開餐廳，但都被他全部推掉。

顧定軒同《造星》戰友出席活動。

顧定軒因為開Show所以瘦咗。

三人正積極相約《造星》學員飯聚。

梁祖堯正在排練舞台劇《有人出租》，問他將來有否機會與顧定軒合作？他即表示正認真考慮中：「我搵得佢做，一定要度身訂造一個好好嘅角色畀佢，我唔會求其搵一個其他人都做到嘅角色畀佢。」他又大讚顧定軒的戲路很廣，可以高貴也可以貼地：「陰柔又得，剛強都得，彈性好大！我認識嘅佢好感性，舞台劇最需要係現場情感嘅感染力，好多嘢你唔係用台詞去講故仔，係用人嘅情感去講，一個咁有感染力嘅人其實係好適合，其實唔係佢恨同我哋合作，係我哋好恨同佢合作。」被梁祖堯狂讚後，顧定軒也感動到眼濕濕，更笑指自己聽完後好想喊。