直擊長沙灣兩餸飯店推當造大閘蟹每隻45元街坊排隊搶購

2022-10-12 18:17

受疫情影響，政府今年初一度禁晚市堂食，令「窮人恩物」兩餸飯生意大增，成為香港飲食新潮流。繼早前有兩餸飯店推出半邊蒜蓉蒸龍蝦、清蒸黃立倉、豉汁蒸石斑後，近日網民發現長沙灣有兩餸飯店推出時令菜式—大閘蟹，吸引不少街坊到場幫襯。

有網民於facebook群組「香港兩餸飯關注組」中發文，指近日有兩餸飯店推出秋季當造的大閘蟹，每隻僅售45元，配上白飯亦只售54元。有網民事後分享試食報告，指大閘蟹非常新鮮，而且金黃色的蟹黃飽滿，價錢亦十分划算，值得入手。其他網民隨即笑言「會唔會有薑茶送埋？」，「而家嘅兩餸飯可以加餸加到咁豐富」、「唔知幾重一隻呢」、「真係太浮誇喇」。

本網經了解後，發現推出大閘蟹作菜式的兩餸飯店為「包點超人」，其中兩餸飯28元一盒，飲品加3元，一直深受街坊歡迎。記者今日（12日）下午到「包點超人」位於長沙灣青山道349號地下的第11間分店直擊，發現「包點超人」在下午時分已有多人在門外排隊買飯，門庭若市，另有不少街坊被大閘蟹「召喚」而到場打卡幫襯。

●點擊睇兩餸飯有大閘蟹●

經理陳先生表示，每隻大閘蟹重約4兩，單隻僅售45元。

不少街坊受到大閘蟹的「召喚」而到場幫襯。

鎮江骨及甜酸排骨是熱銷菜式。

陳經理指每日都會售出大約90隻大閘蟹。

多人在兩餸飯店門外排隊買飯。

店外有排隊買兩餸飯的人龍。

每隻大閘蟹重約4兩，單隻僅售45元，兩隻大閘蟹售88元，4隻更售160元。

近年兩餸飯成為香港飲食新潮流。

經理陳先生表示，每隻大閘蟹重約4兩，單隻僅售45元，兩隻大閘蟹售88元，4隻更售160元，如加配白飯一盒則加9元，換言之只需54元便可享用大閘蟹配飯。他指分店每日售出大約90隻大閘蟹，每次推出後很快便告售罄，「而家大閘蟹當造呀，我哋賣師奶餸嘅，而且我哋賣得又唔係貴，簡直係益街坊，啲街坊咪買返屋企食下囉，賣咗幾日都好好銷量，間間分店都有得賣呀」。

他又指每日都會有20至30款小菜，鎮江骨及蜜椒薯仔雞更是熱銷菜式，如果入到貨時，鋪頭都會推出特別菜式，例如蒸扇貝、豉椒炒蜆、蒜蓉蒸龍蝦，「豉椒炒蜆就當一個餸，蒸扇貝就一隻當一個餸啦，但蟹呀、蒸半邊龍蝦就唔得啦，因為兩餸飯都係賣28蚊，如果賣蟹賣龍蝦就圍唔到皮啦」。不過，他坦言兩餸飯店當初因政府禁堂食而生意大增，惟現時社交距離已開始放寬，故生意都有輕微下跌。

對於兩餸飯店推出大閘蟹，多名街坊表示驚喜，市民曾先生表示自己喜歡食大閘蟹，而「包點超人」賣4隻大閘蟹只售160元，非常便宜，「噚日已經買過一次，食過翻尋味，佢而家又蒸埋畀我，而家40蚊隻真係好抵食，出面一隻都50蚊啦」。