林海峰跑完「倫馬」返港開咪送手信 Wyman放合照洩彭羚陪老公跑馬拉松

2022-10-05 16:15

55歲的林海峰（Jan）日前（2日）遠赴英國參與倫敦馬拉松賽事，並以3小時18分08秒佳績完成，成績相當不錯。昨日他在社交網分享躺在草地的照片，並寫道：「辛苦？OK嘅。容易就冇意思啦。#感激沿途嗌加油打氣嘅你哋」。

林公司分享瞓草地照片。

睇佢跑得幾招積。

Jan完成賽事後已火速回港，今早已返回電台開咪主持節目，商台在《在晴朗的一天出發》FB 連出3個Po ，熱烈歡迎完成「倫馬」的Jan 回歸，並寫道：「林公子星期日跑完倫馬，星期一就上機，星期二就落機，星期三就返嚟晴朗！由林蔭大道跑到返嚟廣播道只需三日時間，仲唔係破個人PB？﹗」更笑言Jan 做完節目好Jetlag，不過相中見Jan依然非常醒神，狀態甚佳。

係咁出PO。

睇佢個樣又真係好JETLAG嘅。

連出三個PO。

而Jan亦非常有心，帶了手信送畀聽眾：「林公子今次英倫之旅居然有帶手信返嚟送畀大家！有蘇格蘭製造嘅皇室曲奇同茶葉，仲有馬拉松戰衣（未着過、無味）！1872903！#借花敬佛 #支持環保」，大量聽眾留言表示好想要件戰衣。另外，昨日黃偉文在社交平台分享與彭羚在英國聚會的照片，唔覺意洩露Jan的「倫馬行」原來有老婆陪打氣，兩人結婚24年，老夫老妻仍Keep住恩愛。