林海峰跑完「伦马」返港开咪送手信 Wyman放合照泄彭羚陪老公跑马拉松

2022-10-05 16:15

55岁的林海峰（Jan）日前（2日）远赴英国参与伦敦马拉松赛事，并以3小时18分08秒佳绩完成，成绩相当不错。昨日他在社交网分享躺在草地的照片，并写道：「辛苦？OK嘅。容易就冇意思啦。#感激沿途嗌加油打气嘅你哋」。

林公司分享瞓草地照片。

睇佢跑得几招积。

Jan完成赛事后已火速回港，今早已返回电台开咪主持节目，商台在《在晴朗的一天出发》FB 连出3个Po ，热烈欢迎完成「伦马」的Jan 回归，并写道：「林公子星期日跑完伦马，星期一就上机，星期二就落机，星期三就返嚟晴朗！由林荫大道跑到返嚟广播道只需三日时间，仲唔系破个人PB？﹗」更笑言Jan 做完节目好Jetlag，不过相中见Jan依然非常醒神，状态甚佳。

系咁出PO。

睇佢个样又真系好JETLAG嘅。

连出三个PO。

而Jan亦非常有心，带了手信送畀听众：「林公子今次英伦之旅居然有带手信返嚟送畀大家！有苏格兰制造嘅皇室曲奇同茶叶，仲有马拉松战衣（未着过、无味）！1872903！#借花敬佛 #支持环保」，大量听众留言表示好想要件战衣。另外，昨日黄伟文在社交平台分享与彭羚在英国聚会的照片，唔觉意泄露Jan的「伦马行」原来有老婆陪打气，两人结婚24年，老夫老妻仍Keep住恩爱。