Juicy叮｜清蒸美麗觀賞魚打卡放閃 網民睇到反晒胃
2022-09-18 22:20 
有網民清蒸一條觀賞魚，並將該條色彩繽紛的珊瑚魚，生前生後的相片放上網「呃like」，惹來一眾網民極大反感，有網民直言睇到「反晒胃」。
該條魚名為荷包魚，是珊瑚魚的一種，是色彩斑斕、性情温和的觀賞魚。
樓主似乎未有料到網民倒胃，反在晒相時發問：「海定養」，意思是希望網民告訴他這條補捉到的魚，是海魚還是養魚。
帖文引來逾四百多位網民熱烈討論，大多數批評樓主食用色彩繽紛的觀賞魚，「咁靚！唉呀好似好殘忍咁。」「咁可愛。」「咁都要食，你好肚餓咩？」「咁多魚唔食係要食珊瑚魚？」「真心，夾唔落。」「見到反胃！」
不過仍有部分網民支持樓主：「觀唔觀賞魚根本就佢地自己定，色彩多啲順眼就觀賞，大閘蟹唔得意咩家陣，有毛嫁，毛孩黎，大自然界既嘢由幾時開始係由人類決定食得同唔食得？」「靚、可愛、得意.....就等如唔食得??咁，老鼠斑、青衣、三刀、紅斑、鯧魚、墨魚、八爪魚仔、魷魚、龍蝦、甚至係羊、乳豬、唔靚唔可愛得意咩！」
資料顯示，荷包魚，俗名金蝴蝶、藍帶神仙，為色彩繽紛的觀賞魚，性情溫和，大都獨居出現在岩礁或珊瑚礁區，以海綿、藻類和附著生物為食。
來源：香港街市魚類海鮮研究社FB
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應