Juicy叮｜將軍澳海蜆清洗3次煮出藍色污水 網民睇相直呼恐怖
2022-09-16 15:35 
不少人喜歡食海鮮，尤其是蜆類海產，惟進食前應注意是否煮熟或清洗乾淨。一名女網民於社交平台發文指，於將軍澳一街市魚檔購入海蜆，回家後先放置逾兩小時待其吐沙，並再清洗3次，豈料烹煮時竟出現藍色污水及黑色泥沙，一眾網民看過照片亦直呼恐怖！
該名女網民於「將軍澳主場」發文指，在區內尚德街一街市魚檔購入海蜆，回家後已即時處理，「吐沙吐咗兩個幾鐘」，並清洗了3次才烹調，豈料當她將海蜆放進水中烹煮時，竟煮出藍色的污水，以及大堆黑色泥沙。
海蜆煮出藍色泥水，請點擊組圖瀏覽：
樓主見狀亦大吃一驚，即時將所有海蜆棄掉，「倒晒唔敢食」。她估計大部分海蜆並不新鮮，「每一隻都係咁」，強調在烹煮前已徹底清洗3次，「隻隻都仲係咁多泥」，懷疑該魚檔將有問題的海蜆賣給她。
不少網民看到照片後亦直呼嘔心，「不食為妙，你嘅決定係啱嘅」、「買蜆真係講運氣，前2日姐姐買咗臭蜆返屋企，結果無食倒晒」；有網民則猜測，「可能有啲蜆死咗而裡面裝滿泥沙，你洗嗰時要搵出嚟」、「呢啲一定要煮殻開來沖洗，有死或多沙，成煲嘢唔使要」。
資料來源：將軍澳主場
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應