黎明有生之年唔畀廣東歌沒落 出新歌《一生幸福》因為一個原因

黎明於周四（15日）晚公開新歌《一生幸福》MV，以祝願新婚夫妻幸褔一生，誓言為另一半遮風擋雨、患難與共、度過下半生的時光，MV主角更由真夫妻羅孝勇及王丹妮演出。不少網民對黎明多年來推動廣東歌不遺餘力，大為讚賞，更翻出他早年接受《星島頭條》的訪問片段，解開甚少出國語歌原因，亦未有長駐內地賺人仔的理由。黎明當年講過：「我有生之年，我都唔會畀廣東歌沒落，因為始終係香港養大咗我。」

【相關閱讀】

香港小姐2022︱黎明隔21年再任嘉賓 92年四大天王同台「救」最美港姐好經典

黎明新歌MV｜王丹妮夫妻檔上陣 《超級巨聲2》羅孝勇對繼女視如己出無償付出

【點擊睇黎明當年講乜】：

黃柏高（左）於2009年邀黎明訪問。

黎明表示是香港養大自己，因此有生之年不會讓廣東歌沒落。

黎明說到做到。

黎明解釋不會讓廣東歌沒落理由。

黎明指因為廣東歌給他機會。

黎明對廣東歌的情誼，比國語歌多。

黎明沒有忘本。

黎明於本月15日公開新歌《一生幸福》MV。

黎明的新歌邀真夫妻羅孝勇及王丹妮演出。

 

做嘢唔使太吹毛求疵

「金牌經理人」黃柏高（Paco）於2009年3月邀黎明訪問，大談對音樂的個人看法，還有對未來市場的展望及個人目標，當中又提到與圈中音樂人之間的一些人和事等。黎明當年有一段時間集中火力發展電影事業，相隔兩年因為電影《梅蘭芳》主題曲再推出EP《是我》，他說：「一直跟阿Mark（雷頌德）做音樂都有同樣諗法，就係做到我哋要做嘅嘢就得，唔使太吹毛求疵。」而他為作品《回來說愛着我》親自填詞，就謙稱質素僅合格：「只係試一試啫，效果好唔好呢？如果係一個啱嘅環境裏面，唔係飲一支靚嘅紅酒，但若然氣氛夠，都勉強可以過關嘅。所以我寫嘅詞，應該啱啱合格有51分啦，所以日後唔會向寫詞呢方面發展，偶然一次OK囉，始終唔係職業嘛。」

黎明在Paco眼中，是一個不可多得的藝人，既能唱又能演，亦能推動廣東歌市場，又不遺餘力捧新人，讓唱片業百花齊放。黎明則說出感受：「我有生之年，我都唔會畀我能力範圍可以做到嘅嘢，令到廣東歌沒落，因為係廣東歌將我黎明，今日有機會做廣東歌，呢份情誼係比國語歌仲多，因為始終係香港養大咗我，呢個係真嘅，變咗嚟講我自己都好喜歡音樂。」

 

唔出嚟唔代表無做嘢

由歌手轉為唱片公司老闆的黎明，要顧及自己的歌手崗位，還要出任經理人照顧眾旗下歌手，他坦言：「經營一家唱片公司有幾難？問Paco就知，要面對市場不停變化，幾多晚瞓唔到。其實做藝人好多嘢唔想面對，唔想面對就參與少啲，因為參與得多唔代表會對件事好。之前好多人問我，點解咁少出嚟見人，我唔出嚟唔代表我無做嘢，每分每秒都做緊嘢，依家做嘢嘅時間，比以前起碼以倍數遞增，但收穫反而倍數遞減。」

 

 

【其他文章】

何超雲結婚丨傳拍拖數月即於何家豪宅同居！半年即收一卡鑽戒

《真情》高校長82歲近況曝光！凍齡外表同27年前一樣仙氣滿瀉

盤點娛圈美魔女！吳婉芳54歲零老態少女味濃 有人50歲出寫真晒三點式泳照

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ