王丹妮夫妻檔拍黎明新歌MV吵大鑊嚇窒工作人員 自爆閨房秘密如魚得水好和諧

王丹妮（Louise）今日到金鐘出席眼部護膚品活動，她笑指平日也會幫老公羅孝勇搽眼霜保養。提到2人首次以夫妻檔上陣，為黎明新歌《一生幸福》拍MV，不過MV中卻有不少吵架場面，而且更鬧到七情上面，問到MV中的情節是否反映兩夫婦的日常生活？Louise笑指沒那麼誇張：「我哋演嘅時候好激動，幕後製作團隊以為我哋真係鬧交，我哋只不過係好投入，之後一Cut機我哋即時嘻嘻哈哈，其實我哋平時好少鬧交。」Louise又指能跟老公一起拍這類型的MV，覺得好難得及開心：「講兩個人嘅關係，愛情點樣萌芽相處同經歷磨擦，係每對情侶拍拖必經階段，首歌係傳達一個愛嘅訊息，尤其疫情下更加需要呢種支持，好多情侶因為疫情而搞唔到婚禮或者多爭拗，要互相體諒、明白同欣賞對方，鬧交之後要諗返最初點解一齊，冇理由因為一次鬧交而破壞咗，咁兩個人嘅愛情先可以恆久。」

王丹妮出席眼部護膚品活動。

王丹妮晒長腿。

一提老公羅孝勇就笑。

王丹妮唔介意長期同老公相隔兩地。

Louise本週日即將起程到歐洲參加時裝周，雖然老公會返港照顧女兒，但因隔離關係致兩人完全見唔到面：「唯有等下一個大假期，聖誕或新年，佢再返嚟香港。」目前老公在澳洲讀書，王丹妮唔介意夫妻長期要分隔兩地：「我哋以前成日黐到實，𠵱家大家都成熟，好信任同支持對方，精神上支持同愛更加重要，會更珍惜相處時間。」

兩公婆為黎明新歌《一生幸福》拍MV。

2人首次以夫妻檔上陣拍MV。

MV中兩公婆有唔少「耍花槍」 場口。

王丹妮鬧到扁晒嘴。

兩人鬧到似層層。

現實中兩公婆好恩愛。

王丹妮成為最佳新演員後工作量增多。

以往兩公婆有影皆雙黐到實。

王丹妮係索人妻及索媽。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ