關智斌戲中強姦李施嬅 新片挑戰露骨尺度好大膽

正忙於拍電影《錄影歹》的關智斌（Kenny）昨晚（9日）出席時裝活動，他笑指雖然拍戲捱了4個通宵，今天亦拍到早上七時才收工，但因「年紀有返咁上下」故想藉參加時裝騷找回青春。

41歲關智斌仲係壯年啫。

關智斌常出海兼晒肌。

提到新戲，Kenny指有份參與女主角兼監製李施嬅被強姦戲份，但就不願透露詳情，只表示拍前有參考原著。Kenny又謂今次故事很露骨，當中亦涉及藥物、毒品及性愛等，是他很少接觸的題材：「對於我嚟講都幾大尺度，我好少接觸呢啲題材，我覺得終於可以突破自己框框，我都覺得好開心。」

新片中會強姦李施嬅。

關智斌拍緊電影《錄影歹》。

Kenny指覺得最開心的是自己今次是以素人身份參加試鏡後，成功取得角色：「導演係外國人，由頭到尾佢都唔知我喺邊個，我去試鏡佢又覺得我啱呢個角色就揀我，我寧願係咁，我唔想啲導演同製作人對我有既定形象，覺得我淨係可以做到其他角色。」問到戲中是有否裸露鏡頭？他笑言沒有：「我就唔使，但栢天男就要，我好開心日日可以喺度食嘢。」而他亦透露電影中的親熱戲，主要落在年輕版演員的身上，對於不能與李施嬅有親熱戲份是否覺得好蝕底？他則笑說：「係囉係囉。」

關智斌眼睛好迷人。

關智斌會主力拍電影。

近期主力在電影方面的Kenny表示早前完成了謝霆鋒有份演出的電影《海關戰線》後，再拍《錄影歹》，之後還要緊接拍另一部電影，估計應會忙到新年，他指完成工作後最希望是去旅行：「希望真係快啲「0+7」（檢疫方案）啦！」

剛同衛詩雅拍完電影《海關戰線》。

關智斌近年工作量多。

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ