丁子朗拍劇唔識笑遭粗口問候 學懂職場必殺技：唔好阻收工

24歲的TVB「小鮮肉」丁子朗最近接受陳敏之的個人頻道訪問，談到當年以19歲之齡參加香港先生成為三料亞軍後入行，雖然不乏演出機會，但非一帆風順。

 

子朗直言一開始亦遭家人反對，因當年他入大學一年便放棄學業由加拿大返港追夢，他說：「爸爸有講過，話呢行好多人銀行戶口幾廿蚊，又要自己租屋住，你唔係諗住我Support到你40歲呀？不如我畀到你25、6歲，當供你讀大學。」不過，子朗希望能靠自己闖出一片天：「我讀大學都有做兼職，有用私己錢。最開心入行2、3年時父母嚟過香港探我，我可以畀到家用，畀咗啲港紙佢哋使，唔想衰畀佢哋睇，你個仔喺香港唔係話撈得好掂，但過到活。知道入行後條路係漫長嘅，都希望最終係凱旋回歸。」

 

丁子朗同陳敏之、高海寧係同一個經理人，因為一次一齊去睇演唱會而熟絡。

 

父母曾反對丁子朗發明星夢，擔心窮到戶口冇錢。

 

丁子朗原來都有半年冇工作，去考保險牌。

 

不過，子朗亦曾遇過迷失期，有近半年幾乎零工作，在朋友建議下去考保險牌，他自言是一個「一定要做嘢嘅人」。而工作上亦曾受盡冷言冷語，但反而成為自己未來的動力，他說：「大家以為我好醒目，又做過大騷主持，但試過有一次我拍劇，臨尾收廠28、29（凌晨4、5點），爭我一個笑容，佢要我笑，因為嗰時真係唔識做戲，我就係做唔到，笑唔得好，大家都好炆，大家等緊我。（即係唔合佢心意？）係，導演話不如嚟多次，現場就有一個工作人員就話，你擘大個口大家就收工啦！佢鬧我（有冇粗口？）一、兩個字，所以就覺得『嘩』。（咁你咪好傷心？）好傷心呀嗰吓，但呢一件事好好，令我記得到而家，令我每一刻返工嘅時候，都唔會阻大家收工，呢個係我希望做到嘅嘢，第二就係你做得唔好係會令其他人受罪。」

 

曾被工作人員粗口問候。

 

就係因為唔識笑，搞到阻人收工，丁子朗之後就更加發奮圖強。

 

丁子朗身材高大，仲有腹肌，之前仲擔正做男一與余德丞拍《青青不要臉》。

 

 

更多新冠疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ