前東華主席王賢誌被誤認係送貨員 7字回應獲網民大讚高EQ
2022-09-08 19:30 
今個星期六是中秋節，在這個傳統的節日上，除了一家人會聚在一起外，不少人都會在這個節日，送月餅或者果籃給朋友，當作是小小心意。前東華三院主席王賢誌 （Vinci）昨日在社交平台分享了一件搞笑事，竟然有人誤認他是送貨員：「話說今日一早司機將朋友送嚟嘅果籃車俾我，我一身街坊裝落樓下攞完正搭返電梯上樓之際，一個後生仔攞住袋外賣同一時間行入電梯，佢見我冇手撳掣好好人問我要去幾多樓，跟住就再問依家一個果籃係咪八十蚊。」
Vinci笑稱自己想了半秒便知道對方的想法：「然後會心微笑話其實我住喺呢度，佢有啲尷尬咁答返我話以為我係行家，我當然一啲都唔嬲反而不知幾開心，行出街，冇人認得喎梗係覺得超正啦係咪！」有網民提議Vinci應該送一個水果給對方，Vinci笑說：「我都想，弊在個果籃真係好鬼死重，我根本就冇手拆開佢，搭電梯時間又唔多，有啲呢Hea！」雖然Vinci出身自富有家庭，爺爺是「電子大王」王華湘，父親是王氏港建主席兼行政總裁王忠桐，本身又是家族中的獨子，但他的生活相當貼地，平常出入都會着輕便服飾，難怪鮑姐亦留言說：「你俾人印象就係誠懇和善！所以佢先同你傾偈！」
立即下載｜全新《星島頭條》APP：https://bit.ly/3yLrgYZ
星島頭條App 經已推出最新版本，請立即更新瀏覽更精彩內容。
最新回應