好聲好戲︱《東張》女神吳幸美神還原《棟篤神探》李慧慧 汪明荃：佢直情係蔡少芬！
2022-09-08 14:00 
無綫節目《好聲好戲》第二季日前正在熱播中，繼姜麗文和蘇韻姿的表現令人驚喜萬分後，在第二組參賽的藝人同樣有驚喜。有《東張》女神之稱的吳幸美，聯同樊亦敏、黃嘉樂及黃智賢齊齊參賽，在熱身回合上，吳幸美聲演蔡少芬在《棟篤神探》「李慧慧」一角。吳幸美在主持節目時早已讓觀眾見識到口齒伶俐一面，而她的配音表現亦相當出色，在短短的一分鐘片段上，幾乎是神還原蔡少芬語調，連表情都七情上面，獲評判們激讚。
事後吳幸美笑謙虛地說：「呢個角色比較搞笑，我本身個人都有啲gag gag哋，所以就揀佢，其實平時除咗做節目嘅旁白之外，我都學吓配唔同嘅聲音，所以今次係嚟學吓嘢。」主席評判阿姐還表示：「覺得佢直情就係蔡少芬！好入戲。」龍天生說：「啱啱睇段片，其實可以遮住佢個口嚟睇，睇佢眼神就得，佢好配個角色！」黃鳳英亦忍不住說：「好好好！真係好似蔡少芬！」曾秀清的評價亦不差，「佢可以嚟做配音員嘞，配得好好。」但原來幸美當年都有份參與《棟篤神探》之演出，難怪可以如此入戲：「我由嗰陣開始準備到而家，已經10幾年，好留意蔡少芬，！」
接着在自選聲演環節，吳幸美挑戰李佳芯在《 智能愛人 》所飾演「真人/機械人」切換的戲份，結果當然順利過關，幸美坦言自己未有預料過，阿姐亦有問用了幾多時間去練，她笑說：「我係日又練、夜又練，你知《東張》有陣時要去捉老鼠曱甴，我一邊捉老鼠一邊練， 一路掃曱甴一路練。」梁少霞忍不住說：「我覺得妳係畀老鼠同曱甴耽誤咗。」連網民亦留言大讚：「幸美攞冠軍完全已經可以預計到，勁到跌渣，最後睇下你抗壓能力得唔得先，因為之後會越嚟越大壓力！」「真係喊咗出嚟，好感動，吳幸美呢個名字要被人認識喇，好有驚喜的一個浮浮沉沉，做好本份的好演員，好配音員，恭喜你吳幸美！」
立即下載｜全新《星島頭條》APP：https://bit.ly/3yLrgYZ
星島頭條App 經已推出最新版本，請立即更新瀏覽更精彩內容。
最新回應