Juicy叮｜外賣驚現肥美菜蟲將軍澳街坊斥餐廳冷處理惹議

2022-09-03 14:15

蔬菜中不時會發現小蟲，進食前須留神。一名將軍澳街坊於社交平台發文指，日前為慶祝生日，妻子及女兒透過外賣平台，於區內一間餐廳落單買外賣，豈料用餐時竟發現餸菜裡有兩條肥美的菜蟲。該名街坊及後致電餐廳投訴，卻遭對方「冷處理」，稱下次落單會再作補償，他怒不可遏，直言「仲想叫人下次繼續光臨先補償」！

該名街坊於facebook群組「將軍澳主場」發文指，原本打算外出食飯慶祝生日，但因要照顧女兒，遂決定在家叫外賣。妻子及女兒透過外賣平台，光顧一家連鎖餐廳。豈料妻子在用餐時，竟在一碟「玻璃魷魚通菜」中發現一條甚為肥美的菜蟲，其後樓主亦於同一餸菜找到另一條菜蟲。

樓主其後於同一餸菜中找到另一條菜蟲。FB圖片

外賣通菜驚現肥美菜蟲。FB圖片

樓主立即致電該餐廳告知發現菜蟲，稱「擔心懷有6個月身孕嘅老婆食完會不適」，餐廳員工亦表達歉意，「叫我下次落訂再作補償」。樓主卻認為對方反應冷淡，「想草草了事」，令他甚為憤怒，並稱自己同樣從事餐飲業，「咁樣嘅處理方法，仲想叫人下次繼續光臨先補償」！

帖文引起不少網民嘩然，「條肥菜蟲係咪中咗輻射？使唔使咁大條？」、「咁大條都睇唔到，啲菜有無洗過」、「有菜蟲唔出奇，但咁大條真的未見過」；有人則認為蔬菜發現菜蟲十分平常，而且店員亦提出補償方案，籲樓主毋須太執著，「其實佢嘅答案都係正常餐廳做法，定你期望佢嘅答案會係即刻煮碟新嘅畀你？」、「咁人地都表示左歉意同作補償，仲想人地點？」、「佢都叫提出咗辦法解決，體諒下佢囉，嬲咁耐，你都傷身啊」！