大鬧廣昌隆25年丨周海媚曾被厲鬼纏身險冇命全靠八字易瀨嘢紅遍東南亞

2022-09-01 08:00

由周海媚(海味)、林家棟主演嘅TVB經典劇集《大鬧廣昌隆》正值25周年，網民對劇集好有印象，仲話好掛住「大隻廣」林家棟同「小芙蓉」周海媚，就算𠵱家見到艾威都會叫佢做「369」，又記得「大隻廣」嘅口頭禪係「幾好呀！」網民稱劇集好好睇，簡直百看不厭，大讚海味係女神，靚到癲，連梅艷芳主唱嘅主題曲《抱緊眼前人》都好好聽，最好原班人馬合體拍現代版。仲有網民乘機反映，指深夜重播劇《誇世代》唔夠吸引力喎。

TVB經典劇集《大鬧廣昌隆》正值25周年，網民念念不忘。

海味當年30歲，真係鬼火咁靚。

55歲海味仲係好靚。

當年馬來西亞游水時，穿上低胸性感泳衣。

仲有索爆泳照。

海味身材好正呀。

係帶有古典味嘅性感尤物。

7年前喺鬼節重播

55歲周海媚憑《大鬧廣昌隆》中「小芙蓉」一角被封為「最美女鬼」。劇中她飾演慘被毒害而寄居傘內尋夫的女鬼「小芙蓉」，與男主角林家棟譜出前世今生嘅人鬼戀，當年收視曾高達45點，創出1997年最高收視記錄。《大鬧廣昌隆》曾經喺2015年9月份重播，重播時都同首播一樣，正值係舊曆七月鬼節時間。

觀眾難忘周海媚演「小芙蓉」角色。

《大鬧廣昌隆》創出1997年最高收視嘅劇集。

海味曾經自爆從小都可以見到靈界生物，長大後才驚覺自己有陰陽眼，當年清水灣電視城拍嘢時，半夜三更去8廠女廁，推門竟見到個好肥女人，抱住個BB餵奶，嚇到她魂飛魄散。

海味自細有陰陽眼。

喺清水灣電視城拍戲時都試過撞鬼。

被惡鬼纏身險喪命
另外，梁思浩主持網台節目《世界鬼故事》繪聲繪影爆過海味曾被惡鬼纏身，幾乎冇命。節目中梁思浩指海味初入行時返內地拍民初戲，由於初入行嘅海味唔信邪係無神論者，她竟然坐住山墳，但自從拍完民初戲，每晚都發同一個夢，夢中見到自己飛咗上天，喺大草源上見到個背向她嘅女人，直至近距離先望到個女人面目猙獰，相當恐怖，每次喺呢個時候就會紮醒。

當年好友梁思浩爆海味曾被惡鬼纏身。

直至一個月後海味開始被鬼壓到完全唔郁得，而且個夢開始控制住佢，一個月內激瘦咗18磅，當時傳出她患上厭食症，最後她透過TVB經理人見師傅，師傅攞咗佢八字一睇便問：「唔信鬼呀妹妹？」海味秒答：「唔信！」雖然海味冇透露夢境內容，但師傅卻知晒：「係咪見到個女人背影呢...」正當海味一臉迷茫時，師傅接住解釋說：「唔係你話我聽，係佢(女鬼)同我講，佢喺度！佢問我，『點解你拍戲要坐爛佢間屋？』佢話一定要攞你命，我試吓同佢講數得唔得喇，你畀一個星期時間我。」

入行初期返內地，喺山墳拍古裝戲出事。

慘被靈體控制肉身

此刻海味六神無主，唯有繼續拍戲，當時她唔係最怕得罪咗隻鬼，反而係最難忘拍一場驚心動魄受傷戲，當時講她要手持玉璽，然後避開劈下來嘅大刀，拍前試咗多次位，到正式時隻手竟被按住玉璽完全郁唔到，她睇住把刀斬落自己隻手指度只能呼叫：「救命呀！我畀鬼壓。」震驚全廠，後來被送院治理傷口。

最初海味係無神論者。

八字容易接觸靈體
而令她一生難忘嘅最恐怖事，係當晚師傅馬上要跟女鬼談判，做事前師傅叮囑她留在房間內不要出來，但發覺成間房都係鬼，就算向同屋嘅姐姐求救，姐姐都無法入房。直至天光，師傅告訴她和女鬼搏鬥了一整晚，成功救了她，師傅還跟海味說：「你知唔知嗰晚房內嗰啲，係要帶你走㗎？」自此海味相信呢個世界係有鬼神之說，後來師傅醒她一句：「你個八字好容易跟靈體有接觸，可以係壞事亦會係好事，如果你人生裏面有一次能夠演女鬼角色，你一定紅。」結果周海媚拍完《大鬧廣昌隆》後紅足25年，𠵱家仍然係女神。