大闹广昌隆25年丨周海媚曾被厉鬼缠身险冇命全靠八字易濑嘢红遍东南亚

2022-09-01 08:00

由周海媚(海味)、林家栋主演嘅TVB经典剧集《大闹广昌隆》正值25周年，网民对剧集好有印象，仲话好挂住「大只广」林家栋同「小芙蓉」周海媚，就算𠵱家见到艾威都会叫佢做「369」，又记得「大只广」嘅口头禅系「几好呀！」网民称剧集好好睇，简直百看不厌，大赞海味系女神，靓到癫，连梅艳芳主唱嘅主题曲《抱紧眼前人》都好好听，最好原班人马合体拍现代版。仲有网民乘机反映，指深夜重播剧《夸世代》唔够吸引力喎。

TVB经典剧集《大闹广昌隆》正值25周年，网民念念不忘。

海味当年30岁，真系鬼火咁靓。

55岁海味仲系好靓。

当年马来西亚游水时，穿上低胸性感泳衣。

仲有索爆泳照。

海味身材好正呀。

系带有古典味嘅性感尤物。

7年前喺鬼节重播

55岁周海媚凭《大闹广昌隆》中「小芙蓉」一角被封为「最美女鬼」。剧中她饰演惨被毒害而寄居伞内寻夫的女鬼「小芙蓉」，与男主角林家栋谱出前世今生嘅人鬼恋，当年收视曾高达45点，创出1997年最高收视记录。《大闹广昌隆》曾经喺2015年9月份重播，重播时都同首播一样，正值系旧历七月鬼节时间。

观众难忘周海媚演「小芙蓉」角色。

《大闹广昌隆》创出1997年最高收视嘅剧集。

海味曾经自爆从小都可以见到灵界生物，长大后才惊觉自己有阴阳眼，当年清水湾电视城拍嘢时，半夜三更去8厂女厕，推门竟见到个好肥女人，抱住个BB喂奶，吓到她魂飞魄散。

海味自细有阴阳眼。

喺清水湾电视城拍戏时都试过撞鬼。

被恶鬼缠身险丧命
另外，梁思浩主持网台节目《世界鬼故事》绘声绘影爆过海味曾被恶鬼缠身，几乎冇命。节目中梁思浩指海味初入行时返内地拍民初戏，由于初入行嘅海味唔信邪系无神论者，她竟然坐住山坟，但自从拍完民初戏，每晚都发同一个梦，梦中见到自己飞咗上天，喺大草源上见到个背向她嘅女人，直至近距离先望到个女人面目狰狞，相当恐怖，每次喺呢个时候就会扎醒。

当年好友梁思浩爆海味曾被恶鬼缠身。

直至一个月后海味开始被鬼压到完全唔郁得，而且个梦开始控制住佢，一个月内激瘦咗18磅，当时传出她患上厌食症，最后她透过TVB经理人见师傅，师傅攞咗佢八字一睇便问：「唔信鬼呀妹妹？」海味秒答：「唔信！」虽然海味冇透露梦境内容，但师傅却知晒：「系咪见到个女人背影呢...」正当海味一脸迷茫时，师傅接住解释说：「唔系你话我听，系佢(女鬼)同我讲，佢喺度！佢问我，『点解你拍戏要坐烂佢间屋？』佢话一定要攞你命，我试吓同佢讲数得唔得喇，你畀一个星期时间我。」

入行初期返内地，喺山坟拍古装戏出事。

惨被灵体控制肉身

此刻海味六神无主，唯有继续拍戏，当时她唔系最怕得罪咗只鬼，反而系最难忘拍一场惊心动魄受伤戏，当时讲她要手持玉玺，然后避开劈下来嘅大刀，拍前试咗多次位，到正式时只手竟被按住玉玺完全郁唔到，她睇住把刀斩落自己只手指度只能呼叫：「救命呀！我畀鬼压。」震惊全厂，后来被送院治理伤口。

最初海味系无神论者。

八字容易接触灵体
而令她一生难忘嘅最恐怖事，系当晚师傅马上要跟女鬼谈判，做事前师傅叮嘱她留在房间内不要出来，但发觉成间房都系鬼，就算向同屋嘅姐姐求救，姐姐都无法入房。直至天光，师傅告诉她和女鬼搏斗了一整晚，成功救了她，师傅还跟海味说：「你知唔知嗰晚房内嗰啲，系要带你走㗎？」自此海味相信呢个世界系有鬼神之说，后来师傅醒她一句：「你个八字好容易跟灵体有接触，可以系坏事亦会系好事，如果你人生里面有一次能够演女鬼角色，你一定红。」结果周海媚拍完《大闹广昌隆》后红足25年，𠵱家仍然系女神。