撞衫風波丨許廷鏗親自向King謝罪訓斥造型師要多聽廣東歌

2022-08-28 11:00

許廷鏗（Alfred)與C AllStar成員King 在林家謙不同場數的演唱會上撞衫事件，引發一場公關災難。Alfred的造型師寸爆回應：「Sorry，因為我對C AllStar完成無興趣，無聽佢哋嘅歌，更加唔會留意佢哋，亦都完全唔知佢哋係嘉賓，我依然覺得牙鏗（許廷鏗）着得好睇好多。」有網民批評該造型師的態度非常影響Alfred的形象。

Alfred昨晚（27日）在會展參與《新城台慶 FABULOUS 4 音樂會》演出，即場向King道歉，「係King着先，我要講聲唔好意思，（造型師那番說話引來網民反感？）始終要代佢講聲對唔住，因為佢係我嘅團隊，但就要鬧一鬧佢唔聽廣東歌，我要督促佢聽多啲，更唔係只聽我嘅歌，更要跟King 同C AllStar嘅Fans 講聲唔好意思。」

許廷鏗代造型師同King講聲：「對唔住！」

許廷鏗與衛蘭合唱。

對於撞衫事件，許廷鏗嘅造型師回覆真係好寸。

完騷後，許廷鏗再喺社交網發文道歉。

對於有網民指Alfred身形肥，着到好醫院病人的服裝，他說：「我唔覺得，疫情期間唔好攞呢啲嚟開玩笑。」他稱早已將身形放低，而穿着相同衣服的情況經常出現，所以他不會介意。至於服裝由誰決定？Alfred即避開話題，只表示今天所穿這套衫也不錯，但卻經常被朋友問為何着那麼多衫，他笑言：「因我鍾意有層次感，當然就要遮一啲唔想畀人見到嘅嘢，大家都有呢啲經驗。哈哈！」Alfred在台上表示，在這期間出了一些限制，不可以在場館有掛得高的顯示器，所以開騷真是一點也不容易，然而不受限制的就是廣東歌。