痞子殿下丨周嘉洛「天蠶寶衣」跟于洋撞衫向《如來神掌》系列致敬

2022-08-28 10:00

TVB劇《痞子殿下》即將進入結局周，劇情愈趨緊湊，升呢鎮首紀威（周嘉洛飾）帶隊上山剿滅山賊，出發前獲贈「天蠶寶衣」，本以為好架勢，原來只有保暖功能，但其實這件「天蠶寶衣」大有來頭，資深藝人于洋在1983年播出的短劇《七彩如來神掌》中就穿過類似戲服。據知劇組特意為嘉洛找來近似戲服，藉此向經典作品《如來神掌》系列及粵語武俠長片致敬。講到和前輩于洋「撞衫」，嘉洛笑認未夠班：「于洋大哥型好多，同埋覺得幾唔好意思，因為有場戲唔小心整爛咗件衫，好彩後尾都補得番。」

嘉洛呢件「天蠶寶衣」大有來頭。

于洋喺1983年播出嘅短劇《七彩如來神掌》中就穿過類似戲服。

啲口水多到呢.....狗狗好可憐。

朱敏瀚蝙蝠俠裝陳瀅勁冧豬

至於副鎮首裘千刀（朱敏瀚飾）則因「突發事件」爆出雙重人格，戲服則跟足劇中漫畫「一劍大俠」，朱仔非常滿意造型，笑言有點似蝙蝠俠，更大爆陳瀅對其造型非常冧豬：「佢見到我呢個造型嘅眼神好似見到偶像咁，畀咗好多信心我。」不過亦呻戲服是全劇「第二最焗」，差點中暑。此外，「See Saw 先」在頻道釋出《痞子》NG合輯，見朱仔和嘉洛化孖膶腸妝狂流口水，更流晒落狗仔身上，相當爆笑。