撞衫风波丨许廷铿亲自向King谢罪训斥造型师要多听广东歌

2022-08-28 11:00

许廷铿（Alfred)与C AllStar成员King 在林家谦不同场数的演唱会上撞衫事件，引发一场公关灾难。Alfred的造型师寸爆回应：「Sorry，因为我对C AllStar完成无兴趣，无听佢哋嘅歌，更加唔会留意佢哋，亦都完全唔知佢哋系嘉宾，我依然觉得牙铿（许廷铿）着得好睇好多。」有网民批评该造型师的态度非常影响Alfred的形象。

Alfred昨晚（27日）在会展参与《新城台庆 FABULOUS 4 音乐会》演出，即场向King道歉，「系King着先，我要讲声唔好意思，（造型师那番说话引来网民反感？）始终要代佢讲声对唔住，因为佢系我嘅团队，但就要闹一闹佢唔听广东歌，我要督促佢听多啲，更唔系只听我嘅歌，更要跟King 同C AllStar嘅Fans 讲声唔好意思。」

许廷铿代造型师同King讲声：「对唔住！」

许廷铿与卫兰合唱。

对于撞衫事件，许廷铿嘅造型师回覆真系好寸。

完骚后，许廷铿再喺社交网发文道歉。

对于有网民指Alfred身形肥，着到好医院病人的服装，他说：「我唔觉得，疫情期间唔好攞呢啲嚟开玩笑。」他称早已将身形放低，而穿着相同衣服的情况经常出现，所以他不会介意。至于服装由谁决定？Alfred即避开话题，只表示今天所穿这套衫也不错，但却经常被朋友问为何着那么多衫，他笑言：「因我锺意有层次感，当然就要遮一啲唔想畀人见到嘅嘢，大家都有呢啲经验。哈哈！」Alfred在台上表示，在这期间出了一些限制，不可以在场馆有挂得高的显示器，所以开骚真是一点也不容易，然而不受限制的就是广东歌。