I SWIM丨魏浚笙熟晒星爺戲對白可合作就無憾 袁澧林嫌Jeffrey太靚仔好麻煩

魏浚笙（Jeffery）和袁澧林（Angela）在新劇《I SWIM》中演情侶，劇中Jeffery不時以泳褲騷肌，但Angela也不輸蝕，劇中也有穿泳衣的戲份，劇情更講兩人晚上在泳池手拖手浪漫潛水，不過浪漫背後卻是寒氣迫人，皆因冬天拍落水戲非常辛苦。

 

Jeffery 同 Angela呢對螢幕CP ，俊男美女，大家都好受落。

劇中好多甜蜜回憶。

 

Jeffery說：「套劇在冬天拍，當日早上我拍完另一場游水戲，覺得自己都算有熱身，誰知晚上的溫度更低，在水入面更凍，我一落水幾乎唞唔到氣，每次一上一落都要好大力才唞到氣，真的很辛苦，這場戲差不多要逐個shot拍，拍了兩、三個鐘才完成，雖然辛苦，但劇組好好，沖定薑茶又擺定很多暖燈，等我哋一上水就感到溫暖，但是一落水即刻好凍，好彩拍的時候不用講對白，否則表情一定會好扭曲。」

Angela則大讚Jeffery很厲害，潛水可以潛到好深之餘，在水入面可以張開眼又可以保持靚仔表情，又說今次是首次穿泳衣拍劇，雖然是一件頭泳衣，但一開始有少少怕醜，認為自己身材不是特別顯著，如果有好身材就會有自信，而且現場有不少男工作人員，所以覺得有點尷尬。 

 

佢哋話冬天拍落水戲真係好辛苦。

Angela 話現場好多男工作人員，自己都好尷尬。

Jeffery 騷肌百看不厭。

 

上水落水，無限輪迴咁拍，其實真係好凍好辛苦。

呢慕甩褲戲好精彩。

 

Angela在訪問中不時讚Jeffery靚仔，問到Jeffery可是她杯茶？她即表示不是，她說：「Jeffery性格專一幾好，但他太完美，因為他和女朋友感情穩定，但如果是單身一定好惹狂蜂浪蝶，太靚仔好麻煩，雖然我都鐘意靚仔，但太靚仔就好無安全感。」Jeffery聞言就指靚仔是世代對他的誤解，「我是一個演員，希望大家比機會我試不同的事，我都想試下做邋遢的流浪漢角色，雖然現在有不少人讚，但我會保持謙卑的心，自滿就好大鑊。」又說周星馳是他的偶像，自少就看他的電影長大，人生都被他影響，「他的電影對白我都幾乎識背，有時仲會突然周星馳上身，會有他講說話的style和無厘頭感覺，如果有生之年可以和周星馳合作就死而無憾，一定可以從他身上獲益良多。」

 

Angela 不時讚Jeffery靚仔，但就唔係佢杯茶。

Jeffery 視周星馳做偶像，佢啲戲嘅對白全部識背。

如果有機會同星馳合作，相信Jeffery唔介意做丑角。

Jeffery 對女友好專一。

文：黃佩麗
圖：朱偉彥
化妝：@makeupvanessa（袁澧林）
髮型：@nickienick @orient4（袁澧林）
造型：@danitorial（袁澧林）
服裝：Louis Vuitton（魏浚笙）、Shu Shu Tong（袁澧林）