湯洛雯獲「鐵馬家族」成員認可叫二嫂林子善催馬國明結婚：快馬加鞭

2022-08-24 07:30

湯洛雯獲「鐵馬家族」成員認可叫「二嫂」，林子善催馬國明結婚：「二哥要快馬加鞭！」

黃嘉樂與攝影師女友江惠賢（Samantha）日前筵開逾20席擺婚宴，不少圈中好友到賀，「鐵馬家族」的馬國明、林子善和唐詩詠更幫手做兄弟團，場面熱鬧。當晚馬國明攜眷出席，與女友湯洛雯（靚湯）大方合照，Sweet到爆！

林子善日前在社交網貼上與老婆Kary，還有馬國明和靚湯的兩pair人合照，指有網民留言提示他，難得「二哥二嫂」同場點解唔影相，寫道：「老實講當晚真係好忙碌，但好彩我老婆當晚提我難得佢喺齊度，不如同佢哋影返張相紀念一下，我先醒起呢張相喺我老婆電話。再次多謝呢位網友嘅溫馨提示，我記得當晚回家老婆喺車上邊對二嫂讚不絕口，話佢個人好真、講嘢好直接、好爽、仲同佢好啱傾，成晚兩個傾，不停心諗咁就好了，家族好快多一個啱嘴型嘅成員，非常期待，二哥你要快馬加鞭喇！#鐵馬家族 #新成員」。

林子善話老婆狂讚「二嫂」湯洛雯份人好真，又夠爽。

湯洛雯都有喺帖文回覆，自爆好擦得，一口氣食晒成個魚頭。

人人都催馬國明快啲娶湯洛雯，應該幾大壓力。

黃嘉樂結婚，除咗「鐵馬兄弟」馬國明、林子善同唐詩詠，仲有許家傑、楊潮凱、李天翔、陳偉洪等擔任兄弟團。

想不到馬國明和靚湯拍拖兩年幾，第一次帶女友見「鐵馬家族」成員，還得到一致認可，靚湯亦有在帖文留言：「第一次見就食咗成個魚頭，希望冇嚇親佢 🤣 @k.t_kary（子善太太）」。而嘉樂的新婚太太Samantha亦好期待與「二嫂」靚湯和「四嫂」Kary坐埋一齊傾偈，子善笑言：「等我攪攪😂😂」，看來一家人好快又有聚會，到時可以加埋「大嫂」陳凱琳，夠腳開枱打麻雀。