67岁赵雅芝出活动零执相冇老态 街头打篮球又Cute又靓

香港近年出咗好多美魔女，但只要赵雅芝出嚟，统统可以行埋一边。就咁嘅，赵雅芝虽然已经60有7但喺内地仍然活跃。上周六就以终审评委会成员身份，出席北京电影学院导演系发起的Reel Focus真实影像计划「新血盛典」活动，好纤瘦嘅佢着上好有中国风嘅裙现身，睇佢上载嘅相好靓呀，咁艺人Po相到社交平台执相是常识，但有影迷随意影佢， out focus都唔理照放上网，从而发现，赵雅芝唔使执相都鬼死咁靓，同埋睇埋片就呃唔到人，横睇掂睇，最多似50。

好靓。

使唔使咁靓。

上周出席电影活动。

上台颁奖，完全唔似近70岁嘅老人家。

Fans影嘅，明显冇执过相同当事人上载嘅基本上一样。

咪以为得姜涛先锺意喺街场打篮球，赵雅芝原来都锺意，见佢着条三个骨裤仔喺街场玩走步上篮，技术当然唔系话好好，但重点系个样同身材，手脚纤幼又有腰，小腿又白又滑，见佢打波劲多表情同动作，有时做V字手势，有时就举起手指公，做得人哋阿婆但都仲咁鬼Cute，外国女人见到应该极葡萄。

着住便服打篮球。

个样好认真。

几敏捷。

手脚几白滑。

咁无话打篮球唔可以化妆嘅。

睇佢几可爱。

立即下载 | 全新《星岛头条》APP : https://bit.ly/3yLrgYZ