獨家丨鄭融唔抗拒識朋友未遇啱對象 希望明年開20周年紀念Show

相隔9年，鄭融（Stephanie）上月終能如願，跟一班忠粉於麥花臣場館Gathering，順利完成《”TRUTH AND DARE” 鄭融演唱會2022》，眼見反應熱烈，加上僅得一場唔夠喉，鄭融完Show後即表明立場，希望明年舉行入行20年紀念個唱向紅館出發，即使最近MIRROR紅館個唱發生嚴重事故，仍冇阻她的決心及紅館夢。採訪：方騫平 攝影：鄧國良

鄭融期望明年登上紅館舞台。

鄭融愈來愈Fit。

上月鄭融於個唱中首次獻唱新歌《安全駕駛》，歌曲是她的名曲《紅綠燈》的2.0，「延續篇」對鄭融來說別具意義，是講述16年後的今日，即使開著車也未必能找到歸宿，但路經紅綠燈前，見到站著嘅女孩似當日的自己，都默默祝福她。

《安全駕駛》是鄭融今年首隻新歌。

對紅館冇陰影
提到在演唱會中換上多套性感戰衣，大晒Fit爆身材，問到會否吸引多咗異性埋身？鄭融坦言唔抗拒識朋友，亦有正常社交，但暫時未遇到合適對象：「我反而最開心見到Fans留言，話聽我啲歌得到共鳴，好有感受，真係好感動，咁我都幾滿意上次嘅演出，希望歌迷熱情不減，明年開到入行20周年紀念個唱。」 

鄭融於上月個唱中展示fit爆身材。

鄭融以往有啲肉地，𠵱家Fit晒。

對於日前MIRROR紅館個唱發生嚴重事故，問到對開紅館Show可會有陰影？Stephanie認為屬個別不幸事件，不能混為一談：「我對呢件事都好難受，尤其自己都鍾意跳舞，同啲排舞老師好close，相信往後有機會開紅館show，每個主辦單位都以安全為主，會加倍小心。」

鄭融為受重傷嘅阿Mo及其女友So Ching心痛。

意外發生後，她對傷者送上祝福。

 

熱愛跳舞的鄭融對舞蹈員受傷，感受好大。

立即下載 | 全新《星島頭條》APP : https://bit.ly/3yLrgYZ