思家大戰丨郭偉亮為MIRROR騷意外幫腔 劉浩龍澳門個唱因疫情延期

2022-08-03 21:30

郭偉亮(左圖左)對Edan及Anson Lo被網民鬧爆,為二人解釋。
郭偉亮(左圖左)對Edan及Anson Lo被網民鬧爆,為二人解釋。

郭偉亮(Eric)與老婆葉佩雯、劉浩龍(師兄)等今晚到電視城為《思家大戰》錄影,曾參加過該節目的Eric,因想取笑老婆及師兄,故準備派兩人參加決勝環節,讓二人感受緊張氣氛。

 

身為《星夢傳奇2》導師的Eric表示,近日要照顧學員幾乎忙到冇命,也為沒時間陪伴愛犬感到內疚,幸而導師間相處融洽。對於早前傳出導師間有拗撬,他笑說:「陳奐仁嗰隊,我哋呢邊超級和諧,不過啲細路就好多問題,又要返學又要考試,點同人哋比?」不過他慶幸學員天份不錯。問到老婆有沒有投訴?他說:「梗係有啦,話『你幾時陪我先?』我話就快就快,我哋係唔生仔嘅罪孽,唔生呀嗱,我要你教更多嘅細路!」

 

《思家大戰》今晚進行錄影。
《思家大戰》今晚進行錄影。
Eric表示因做導師,被老婆投訴沒時間陪伴。
Eric表示因做導師,被老婆投訴沒時間陪伴。
陳奐仁的一組被Eric指有拗撬。
陳奐仁的一組被Eric指有拗撬。

 

問到曾做《全民造星》導師的Eric,在MIRROR演唱會發生嚴重事故後,有否安慰他們?Eric說:「冇安慰,我知佢哋而家好多嘢諗,安慰佢嘅有大把人,呢件事其實我都好震驚,香港幾十年都未試過,希望係最後一次!」而劉浩龍則表示最緊要是傷者痊癒,其他事情之後再算。

 

MIRROR上周四舉行第4場演出時,發生嚴重意外事故。
MIRROR上周四舉行第4場演出時,發生嚴重意外事故。
Anson Lo及Edan因繼續演出捱轟,不過Eric估計二人當時不知情。
Anson Lo及Edan因繼續演出捱轟,不過Eric估計二人當時不知情。

 

對於事發後有網民鬧爆呂爵安(Edan)及盧瀚霆(Anson Lo)在台上仍然繼續唱歌,Eric說:「我諗佢(哋)唔知,其實冇可能繼續唱,邊有正常人會繼續唱?一定係唔知,我諗大家情緒確實好嬲,一定會搵啲嘢嚟鬧,但照我識嘅Anson Lo同Edan唔會繼續唱!」劉浩龍指戴上耳機後,分分鐘連觀眾拍手也聽不到:「所以你會見到我哋唱完歌掹走一隻(耳機)去享受掌聲。」而Eric又重提當年在紅館個唱上向老婆求婚一事:「Grace話我求婚嗰陣完全冇氣氛,佢淨係聽到監製話『快啲啦!快啲啦!』啲人拍手同歡呼都完全聽唔到,所以你根本冇可能知咩事。」

 

二人對MIRROR演唱會發生事故感到震驚,盼傷者痊癒。
二人對MIRROR演唱會發生事故感到震驚,盼傷者痊癒。
Eric重提當年在紅館個唱上向老婆求婚,都聽唔到觀眾拍手及歡呼聲。
Eric重提當年在紅館個唱上向老婆求婚,都聽唔到觀眾拍手及歡呼聲。

 

另外,劉浩龍剛從澳門返港,他表示本於7月頭在當地舉行個唱,但綵排期間疫情爆發,自己在當地亦做了6次全民核酸檢測,個唱最後要延至11月。

 

劉浩龍因澳門疫情爆發,以至上月初在當地舉行的演唱會要延期。
劉浩龍因澳門疫情爆發,以至上月初在當地舉行的演唱會要延期。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad