獨家丨So Ching取消關注花姐魯生及公司IG 對男友受重傷表達嚴重不滿

2022-08-03 18:30

MIRROR演唱會受傷舞蹈員李啟言(阿Mo)目前仍然在伊利沙伯醫院深切治療部留醫，情況危殆。阿Mo女友COLLAR成員SoChing（蘇芷睛）於IG貼文，堅定支持男友令人感動。她將阿Mo帳號加到個人資料欄寫上「@momo.lky」，又將兩條二人共舞片段，以及一張合照置頂，合照於今年1月上載，caption 寫上：「呢一年有好多改變，多謝所有我愛既(嘅)人同愛我既(嘅)人令我可以繼續走落去。」SoChing唔止聲援受傷男友咁簡單，甚至行動支援。

《星島頭條》記者得到獨家消息，SoChing經已取消追蹤公司MakerVille、ViuTV、花姐、魯生及排舞總監Rock Sir的IG帳號，以示對男友受傷事件表達不滿。而向來見義勇為嘅隊員Winka(陳泳伽），同樣唔見追蹤公司MakerVille的IG帳號，姊妹同心。

COLLAR成員SoChing表明會撐硬男友阿Mo。

大家都好關心阿Mo健康狀況。

MIRROR演唱會第四場發生嚴重事故，令到ViuTV出現內亂。

So Ching已取消關注公司MakerVille的IG。

So Ching IG。

取消埋關注花姐。

仲有魯生。

同埋ViuTV。

排舞總監Rock Sir都唔關注。

COLLAR隊員Winka(陳泳伽），同樣唔見追蹤公司MakerVille的IG帳號，姊妹同心。

COLLAR成員Winka(陳泳伽）IG。

SoChing及Winka真係好好感情。

三隊Viu TV皇牌

近年Viu TV成功捧起人氣團隊MIRROR、COLLAR及ERROR，3隊成為公司省招牌皇牌，工作不絕。因而向來唔敢違返公司指令，不過，邱士縉（Stanley）喺MIRROR演唱會嚴重事故後翌晚，突然把IG頭像轉成全黑，更被發現取消追蹤公司MakerVille 的IG帳號作無聲抗議，但不久Stanley即在IG限時動態，以黑底白字澄清：「有鑒於網上失實報道，抱歉為大家帶來誤會。現時最需要的是pray for Mo，希望大家不要在事件上增加其他猜測。」及後亦發現他重新追蹤公司IG帳號。

今次SoChing挺身為男友作無聲抗議，擺明唔怕被公司怪責，最難得有Winka同行加入力撐，而《星島頭條》記者翻查，COLLAR餘下6位成員繼續有關注公司IG。