MIRROR演唱會丨ViuTV自慘劇後停止更新社交平台網民繼續鬧：幾時肯企出嚟

2022-08-01 16:30

MIRROR演唱會於上周四（7月28日）晚第4場發生嚴重意外，表演期間一塊大型LED螢幕墮下撃中2名舞蹈員要緊急送院，官方宣佈腰斬演出並取消之後所有場次。慘劇發生後，大量網民湧入ViuTV的社交平台發洩，喺唔關事嘅節目宣傳Po留言狂鬧。

MIRROR演唱會發生香港有史以嚟最嚴重演唱會事故。

慘劇發生至今第4日，截止下午4時，ViuTV的FB Page及IG都未有作出任何更新，前者仍然是7月28日晚上11時，有關《戀愛Staycation》的宣傳Po，而IG就係4日前上載、題為《CHILL CLUB》擺脫感情中的控制欲！Pandora《聖人模式》】的宣傳Po。

ViuTV FB Page最新更新是上月28日晚的宣傳Po。

IG亦是4日前嘅Po。

由於ViuTV還未正式開記招交待事故，網民繼續湧入《戀愛Staycation》的宣傳Po留言狂鬧：「冷血公司只顧快速收成，等天收啦」、「VIU幾時肯企出嚟交待演唱會意外，承擔責任。」、「今次意外對 Anson Lo 同 SoChing 打擊都好大，處理得唔好Mirror 同Collar分分鐘隨時會玩完。」、「一個大好青年，就比你哋摧毁咗佢一生。」鏡粉及網民都非常緊張。