MIRROR演唱會丨Ben sir不認同勿轉發意外影片呼籲批評做法係淡化行為

2022-08-01 01:00

MIRROR演唱會發生嚴重意外引起全城關注，事發後演藝人協會主席古天樂及MIRROR同公司多位藝人如COLLAR等，都發文呼籲不要再上載或轉發意外影片。其中COLLAR成員Marf（邱彥筒）就轉發認為影片會引起好多不安情緒，或會令人造成陰影的帖子。

MIRROR紅館演唱會因在第4場發生嚴重意外。

被大屏幕壓傷的舞蹈員阿Mo（右）情況危殆。

演藝人協會主席古天樂亦有就意外，於社交網發文。

古天樂都叫大家停止發放或轉發令大家不安的片段。

COLLAR成員Marf事發後都有發文。

歐陽偉豪（Ben sir）對於勿轉發意外影片的呼籲有感而發，於社交網發文表示：「世上有互聯網，你就叫人唔好share條片。中文有慘劇一詞，你就用事故，好似塞車事故咁。中文有追究責任，革職查辦，你就用嚴肅處理同跟進，好似PR跟進Event咁。中文有現在式你唔聚焦，你就帶風向帶到將來防止意外發生嘅境界，咁識得未雨綢繆就唔會有當日嘅意外。加句『為咗尊重傷者』嚟合理化某啲立場，就好似加句『為咗你好』一樣。對於以上種種嘅淡化行為，我哋為咗尊重傷者要嚴肅跟進，其實都係為咗你好。」似乎是暗指主辦方以語言藝術或利用明星帶風向，淡化意外的嚴重性。有網民批評Ben sir發文是為了抽水，但亦有網民讚同他的說法。認為流傳影片有助向造成意外的相關人士施壓。