林欣彤諗起男友捧場變得緊張被陳國峰取笑仍處熱戀期

2022-08-01 15:30

林欣彤（Mag）與陳國峰今日在尖沙咀文化中心為一連兩場的《仲夏夜之韻》音樂會舉行拜神儀式。剛於上月生日的Mag為了保護聲音、身體及狀態，就連生日也沒有相約朋友及家人食飯慶祝，但就笑指有跟ONE PROMISE的成員馮卓然（Anton）打邊爐，至於男友可有表示？她說：「佢陪咗我已經好好，我唔係好需要儀式感，平時點對我緊要啲。」問到男友是否會來捧場，她馬上表現得很緊張説：「會，我覺得佢喺度我好緊張，我諗一諗都好緊張呀而家。」阿Mag講完後即被陳國峰取笑因兩人現在是熱戀期，所以才有這麼緊張，豈料Mag即說：「希望一世都係熱戀階段。」

林欣彤與陳國峰將舉行一連兩場《仲夏夜之韻》音樂會。

開騷前都要拜神求安心。

Mag話諗起男友Anton嚟捧場就好緊張。

陳國峰同Mag都希望受傷dancers 可以盡快康復。

提到舞台方面，兩人因與管弦樂團合作，所以不會有太花巧的舞台，對於MIRROR演唱會上發生嚴重事故，問到會否因此而留有陰影，平常穿上高踭鞋站在升降台上也會害怕的Mag說：「身為Artist要做嘅係做好表演，同埋信所有人。當然我好希望dancers可以好番，最緊要就係喺經驗中汲取教訓，同埋希望可以搵到問題嘅源頭去避免。」而陳國峰則希望傷者可以脫離危險期，快點痊癒。