黃夏蕙談MIRROR演唱會事故入行多年首見：睇到個心都離咗

2022-07-29 19:30

黃夏蕙今日與曾參加《造星IV》的何佩到旺角出席 17LIVE舉辦的街頭音樂節，夏蕙姨透露將於下月11日離港，但離開前已相約一班歌手及朋友食飯。

夏蕙姨現身街頭，吸引不少人圍觀。

MIRROR的演唱會昨晚發生嚴重事故，夏蕙姨坦言好唔安樂。

對於MIRROR演唱會昨晚（28日）出現嚴重事故，舞台發生意外令舞蹈員受傷，夏蕙姨指自己亦有留意，亦覺得非常唔開心：「咁開心嘅事，而家搞到好唔安樂。」問到本來是否會入場觀看演唱會，她說：「我買唔到飛，張飛炒到太貴，成25,000蚊，我冇錢買。」提到她在意外發生後，曾在社交網轉發舞蹈員意外影片並留言「希望吉人天相」，不過事後卻刪走影片，她説：「唔想再睇，好驚，入行咁耐第一次見，好傷心，少少意外係唔緊要，真係睇到個心都離咗。」夏蕙姨又指不知道誰要為這次意外負責，現在只是希望傷者能快點痊癒。稍後將在美國登台的夏蕙姨，坦言因經過這次事件，會更注意舞台安全。

同場的何佩亦表示有留意MIRROR演唱會的事故，但她認為現階段不方便講太多。被問到有否聯絡So Ching？她說：「有祈禱祝福，而家唔打攪係最好嘅事。」