MIRROR演唱會丨王貽興大爆ViuTV內部黑幕 數臭有人私相授受度縮慳皮

2022-07-29 18:30
曾跟ViuTV合作的王貽興,今撰千字文大爆內幕。
曾跟ViuTV合作的王貽興,今撰千字文大爆內幕。

MIRROR演唱會自周一(25日)開騷以來,舞台機關意外頻生,不少網民連日來都看不過眼出post鬧爆,昨晚(28日)更發生算是紅館開館以來最嚴重意外,巨型螢幕由台中高空跌下,壓傷兩名舞蹈員。曾在ViuTV主持節目《晚吹》,又參與過ViuTV 劇集《VR驅魔人》和《黑市》的王貽興,今日以千字文大爆ViuTV內幕,指他們罔顧人命、榨乾榨盡旗下藝人、賺到盡等,更形容ViuTV「衰過大台」。

談到今次意外,王貽興直指事件成為香港人的共同傷口,並大爆ViuTV私下一向「用人唯親;私相授受」,他post中謂:「錢唔係咁賺,騷都唔應該咁做。唔識做就唔該搵返真正專業嘅人去做,而唔係急就章,用人唯親,私相授受,最後釀成今次不幸意外。」他又表示大家去享受音樂會,但最終擔驚受怕,大感荒謬:「望住鏡仔行嚟行去唱歌跳舞,仲驚過以前睇楊盼盼高空踩鋼線,點解?點解觀眾要做埋主辦單位做唔到,或者做唔好嘅嘢?呢件事,真心荒謬」。

 

王貽興(右)和葛民輝曾合作拍攝ViuTV的劇集《VR驅魔人》。
王貽興(右)和葛民輝曾合作拍攝ViuTV的劇集《VR驅魔人》。

 

王貽興亦曾參與另一ViuTV劇集《黑市》。
王貽興亦曾參與另一ViuTV劇集《黑市》。

 

今在社交媒體撰千字文大爆ViuTV內部黑幕。
今在社交媒體撰千字文大爆ViuTV內部黑幕。

 

王貽興坦言這幾年一直沉默不出聲,但如今關乎人命,有需要讓大家知道真相,接着他大爆ViuTV初成立時確實與TVB不同,老闆亦「有火」,但漸漸地兩間電視台根本無分別,甚至比大台更差:「一樣用人唯親,一樣度縮慳皮,一樣私相授受,一樣賺到盡,罔顧演藝人員嘅安全同待遇……衰啲講句,大台咁垃圾咁hea,但咁多年嚟,就算當年涉嫌中飽私囊嘅商場騷,搞騷都冇慳皮到會縮減綵排時間、製作求其、亂咁外判,最後有呢啲大型意外發生……今次呢件不幸意外,或者係一吓好un 耳嘅喪鐘,提醒我哋,如果繼續咁樣盲目支持果間電視台,其實係支持緊佢哋繼續用呢種模式去擴大,去發展,去榨乾榨盡旗下藝人,用最低成本,將藝人用最短視最慳皮嘅方式消費淨盡,佢哋係咪捱殘,情緒有冇問題,係咪身心疲累,仲會唔會再一次當眾暈低,無論係咪佢哋嘅粉絲,都冇人想再見到呢啲咁令人心痛心酸嘅情況發生。」

最後,王貽興表示:「香港人,值得擁有更好嘅電視台;香港嘅演藝人員,亦值得擁有更好嘅平台。至少,唔係罔顧安全、只求賺盡,將香港人當水魚嘅明日大台。」 

 

千字文力數ViuTV的不是。
千字文力數ViuTV的不是。

 

數臭ViuTV內部用人唯親、罔顧藝人及工作人員的安全等隱憂。
數臭ViuTV內部用人唯親、罔顧藝人及工作人員的安全等隱憂。

 

王貽興力數ViuTV的幾宗罪。
王貽興力數ViuTV的幾宗罪。

 

昨晚MIRROR演唱會的意外,可算是紅館開館以來最嚴重。
昨晚MIRROR演唱會的意外,可算是紅館開館以來最嚴重。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章