MIRROR演唱会丨王贻兴大爆ViuTV内部黑幕数臭有人私相授受度缩悭皮

2022-07-29 18:30

MIRROR演唱会自周一（25日）开骚以来，舞台机关意外频生，不少网民连日来都看不过眼出post闹爆，昨晚（28日）更发生算是红馆开馆以来最严重意外，巨型萤幕由台中高空跌下，压伤两名舞蹈员。曾在ViuTV主持节目《晚吹》，又参与过ViuTV 剧集《VR驱魔人》和《黑市》的王贻兴，今日以千字文大爆ViuTV内幕，指他们罔顾人命、榨乾榨尽旗下艺人、赚到尽等，更形容ViuTV「衰过大台」。

谈到今次意外，王贻兴直指事件成为香港人的共同伤口，并大爆ViuTV私下一向「用人唯亲；私相授受」，他post中谓：「钱唔系咁赚，骚都唔应该咁做。唔识做就唔该搵返真正专业嘅人去做，而唔系急就章，用人唯亲，私相授受，最后酿成今次不幸意外。」他又表示大家去享受音乐会，但最终担惊受怕，大感荒谬：「望住镜仔行嚟行去唱歌跳舞，仲惊过以前睇杨盼盼高空踩钢线，点解？点解观众要做埋主办单位做唔到，或者做唔好嘅嘢？呢件事，真心荒谬」。

王贻兴（右）和葛民辉曾合作拍摄ViuTV的剧集《VR驱魔人》。

王贻兴亦曾参与另一ViuTV剧集《黑市》。

今在社交媒体撰千字文大爆ViuTV内部黑幕。

王贻兴坦言这几年一直沉默不出声，但如今关乎人命，有需要让大家知道真相，接着他大爆ViuTV初成立时确实与TVB不同，老板亦「有火」，但渐渐地两间电视台根本无分别，甚至比大台更差：「一样用人唯亲，一样度缩悭皮，一样私相授受，一样赚到尽，罔顾演艺人员嘅安全同待遇……衰啲讲句，大台咁垃圾咁hea，但咁多年嚟，就算当年涉嫌中饱私囊嘅商场骚，搞骚都冇悭皮到会缩减彩排时间、制作求其、乱咁外判，最后有呢啲大型意外发生……今次呢件不幸意外，或者系一吓好un 耳嘅丧钟，提醒我哋，如果继续咁样盲目支持果间电视台，其实系支持紧佢哋继续用呢种模式去扩大，去发展，去榨乾榨尽旗下艺人，用最低成本，将艺人用最短视最悭皮嘅方式消费净尽，佢哋系咪捱残，情绪有冇问题，系咪身心疲累，仲会唔会再一次当众晕低，无论系咪佢哋嘅粉丝，都冇人想再见到呢啲咁令人心痛心酸嘅情况发生。」

最后，王贻兴表示：「香港人，值得拥有更好嘅电视台；香港嘅演艺人员，亦值得拥有更好嘅平台。至少，唔系罔顾安全、只求赚尽，将香港人当水鱼嘅明日大台。」