獨家丨王浩信為入行同媽咪冷戰一年 余香凝拍《心裏美》憶同爸爸嗌交

2022-07-29 07:00

Jennifer和王浩信雖然是初次合作,但大讚對方是好對手。
Jennifer和王浩信雖然是初次合作,但大讚對方是好對手。

余香凝(Jennifer)和王浩信首度合作電影《心裏美》,戲中兩人同樣飾演老師,但卻有天壤之別,亦令他們想到自己讀書日子。電影除了講師生,最重要是談及兩代人關係,原來Jennifer以往曾跟爸爸經常嗌大交,而浩信為入行曾令媽咪唔睬一年,不過他們已為人父母,會提醒自己不要重蹈覆轍。採訪

Jennifer拍攝時原來已懷有囡囡,令電影更加有紀念價值。
Jennifer拍攝時原來已懷有囡囡,令電影更加有紀念價值。

 

浩信早前到紐約學戲,想不到教講莎士比亞對白,竟在戲中大派用場。
浩信早前到紐約學戲,想不到教講莎士比亞對白,竟在戲中大派用場。

兩人初次合作,Jennifer大讚浩信是個好對手,不論是高度和演戲都一樣夾,「佢優點係高囉!我可以着返有少少踭嘅鞋,之前試過要擘大雙腳拍大頭,同埋佢好畀心機準備,而我如果有啲情緒戲做唔到會愈嚟愈氣餒,會𤷪自己,但佢會喺隔籬用返個角色嘅角度出發問我問題,好似學戲堂啲老師咁,等我入返入個角色,唔好跳咗出嚟嬲自己。」

Jennifer跟浩信在戲中演一對,外形高度都好合襯。
Jennifer跟浩信在戲中演一對,外形高度都好合襯。
戲中浩信和Jennifer分別飾演補習天王和傳統學校老師。
戲中浩信和Jennifer分別飾演補習天王和傳統學校老師。

學識跟女兒溝通

戲中Jennifer跟飾演爸爸的吳岱融關係極差,經常嗌大交,令她想起以往跟爸爸相處,因她爸爸跟吳岱融角色一樣是傳統男人,「佢哋係愛你錫你,但係佢哋唔識得表達,或者講兩句就變咗嗌交,呢啲場口令我諗返以前唔識同爸爸溝通,拍完呢個戲會提醒自己有啲嘢唔可以等,對爸爸媽媽或者愛錫嘅人要多啲關心同問候。」浩信20歲時試過被媽咪唔睬一年,只因反對他入行怕會學壞,「嗰一年我入咗行做緊練習生,佢以為我冇搵工,佢就覺得我好唔聽話,直至我第一首歌《訊號》出街,我叫佢去時代廣場睇首播,佢仲以為我拍廣告,慢慢佢見到我做到一啲成績,有正常啲嘅收入先開始接受。」

戲中Jennifer跟吳岱融飾演的父親,有不少衝突戲份。
戲中Jennifer跟吳岱融飾演的父親,有不少衝突戲份。
浩信和Jennifer都會提醒自己,同囡囡好好溝通。
浩信和Jennifer都會提醒自己,同囡囡好好溝通。

已為人父母浩信和Jennifer,他們都會提醒自己要好好跟女兒溝通,浩信更加會採取開放式態度,「點解要將自己價值觀加落佢度,去滿足我想做嘅嘢,唔係佢想做嘅嘢,我哋呢代父母係應該發掘佢想做嘅嘢,然後去幫助佢去享受點樣做,呢個世界不斷變緊,你點可以否定佢揀嘅嘢係唔好。」而自認緊張大師的Jennifer,會不斷提自己學識放鬆,「呢個社會所有人嘅氛圍,會令你覺得唔幫佢做某啲嘢係咪佢會輸,將來會埋怨我,所以會叫老公同媽咪提返我,唔好做啲瘋狂行為,最緊要係小朋友開心。」

浩信是個開通爸爸,不會將自己價值觀放在10歲囡囡靖喬身上。
浩信是個開通爸爸,不會將自己價值觀放在10歲囡囡靖喬身上。
去年Jennifer為圈外丈夫陸政渡誕下囡囡Clare。
去年Jennifer為圈外丈夫陸政渡誕下囡囡Clare。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP https://bit.ly/3yLrgYZ

 

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad