嘉禾院線推撈麵餐惹爭議網民：食到「𠽌𠽌聲」好滋擾

2022-07-26 18:05

第5波疫情下令戲院關閉超過100日，至4月21日終獲政府放寬重開，一眾期待以久的電影迷終於可以再踏入戲院，感受大銀幕下的光影世界。嘉禾院線日前於社交平台發文，宣佈推出撈麵餐，並在旗下6間戲院有售。帖文出街後旋即引來一眾網民熱議，認為食麵的「𠽌𠽌」聲可能對其他觀眾造成滋擾，而且「啲味又影響人」，希望戲院「收回成命」。

嘉禾院線在社交平台發文，指由7月24日開始推出撈麵餐，入場的觀眾可以一邊睇戲一邊食撈麵，又指「喺視覺同味覺上都帶畀你最正嘅享受」。有關的撈麵餐包括營多撈麵及芝士腸(4條)或魚肉燒賣 (4粒)，另外配以22oz汽水一杯，售價45元，旗下6間戲院有售。

嘉禾院線日前宣布推出撈麵套餐。

帖文引來一眾網民熱烈討論，多人認為如果場內多人同時進食撈麵餐，全場便會出現大量「𠽌𠽌聲」，對觀眾造成嚴重滋擾，「又嘈又一陣味，小食都算啦，出動到撈麵…」、「有無諗過想靜靜睇戲既人感受」、「隔離位真係同時擁有視覺，味覺加聽覺」、「啲味影響人」。有網民甚至反諷，建議戲院推出不同的限定套餐，「希望下次整個一人一鍋打邊爐」、「試下搞個貓山皇x可口可樂套餐」、「聽到呢個消息我真係唔會再嚟，不如加埋臭豆腐」、「希望有叉飯食」。

星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ

關鍵字