獨家丨黃夏蕙唔擔心一去不返:拜拜香港有緣再會 坐小輪遊維港爆移民原因

2022-07-22 02:00
89歲嘅黃夏蕙坐小輪遊維港,同香港講再見。
89歲嘅黃夏蕙坐小輪遊維港,同香港講再見。

「頭炷香KOL」黃夏蕙(夏蕙BB)將於下月11日隨老伴潘炳烈移民美國,跟家人共享天倫之樂。臨別秋波,夏蕙BB帶《頭條日報》記者坐天星小輪重拾當年回憶。一臉不捨的夏蕙BB全程表現感觸:「呢幾十年間,香港呢個『東方之珠』帶畀我嘅幸福生活,拜拜喇,有缘再會!」離別前,她寄語香港人要努力加油,保持身體健康,明天會更好。採訪:方騫平 攝影:沈健程

夏蕙BB向港人揮手講再見,並澄清只係89歲,未到9字頭。
夏蕙BB向港人揮手講再見,並澄清只係89歲,未到9字頭。
黃夏蕙大讚香港好值得留戀。
黃夏蕙大讚香港好值得留戀。

當日黃夏蕙身穿黑色短裙仔,腳踏鬆糕鞋喺天星碼頭周圍行搵位影相,表現活躍完全唔似91歲嘅老人家。夏蕙BB指各大傳媒都「炒晒車」,她透過本報作出「澄清」:「我係1933年香港出生,肖雞,𠵱家只係89歲。」

夏蕙BB喺天星碼頭周圍行搵位影相。
夏蕙BB喺天星碼頭周圍行搵位影相。

如同巨星出巡受歡迎

可能日前出Po宣佈快將離港,當日夏蕙BB所到之處,均深受大人細路歡迎,如同巨星出巡,途人均叮囑她要保重,𠱁得夏蕙BB不知幾歡喜,有求必應玩selfie,仲叫人違規除口罩影相會好睇啲。見到途人影嘅相好靚,夏蕙BB更大方畀電話號碼途人用作回圖。唔少人話「鍾意佢靚」、「唔捨得冇咗佢上頭炷香」、途人謝先生更上前同BB抱抱說:「我鍾意佢夠親切。」

黃夏蕙深受大人細路歡迎,個個埋身求合照。
黃夏蕙深受大人細路歡迎,個個埋身求合照。
夏蕙BB所到之處都被圍,個個舉手機同佢影相。
夏蕙BB所到之處都被圍,個個舉手機同佢影相。
男途人謝先生跟夏蕙BB情深擁抱,表示有緣再會。
男途人謝先生跟夏蕙BB情深擁抱,表示有緣再會。
以往大年初一凌晨,黃夏蕙都悉心打扮去黃大仙祠上頭炷香,是著名的「頭炷香KOL」。
以往大年初一凌晨,黃夏蕙都悉心打扮去黃大仙祠上頭炷香,是著名的「頭炷香KOL」。

之後BB就行去幫襯軟雪糕車,品嚐人生第一杯及離港前最後一杯嘅軟雪糕,雪糕車哥哥用心為她炮製一杯「完美6圈半雪糕」,更表示夏蕙BB帶咗好多歡樂畀香港人,「真係唔捨得你呀。」舔著融化中嘅雪糕,夏蕙BB個心亦被融化:「杯雪糕好靚、好好食、好細膩。」

雪糕車哥哥為黃夏蕙炮製一杯「完美6圈半雪糕」。
雪糕車哥哥為黃夏蕙炮製一杯「完美6圈半雪糕」。

遺憾創立老人院受阻

黃夏蕙好愛香港但堅持要走:「屋企四代同堂,要返去見吓啲曾孫,唔知適唔適應新生活㗎!Plan咗先去登台9個月,再環遊世界relax吓,開心咪留耐啲囉。」在旁嘅經理人Simon踢爆BB適應力低,最長一次去咗美國4個月就喊住要走。

黃夏蕙跟胡百全育有7名子女。有么女胡雲妮(右二)、長女胡蓮娜(右三)、長子胡禮賢(左二)、么子胡禮智(左一)、黃夏蕙(前排左一)及胡百全(前排中)。
黃夏蕙跟胡百全育有7名子女。有么女胡雲妮(右二)、長女胡蓮娜(右三)、長子胡禮賢(左二)、么子胡禮智(左一)、黃夏蕙(前排左一)及胡百全(前排中)。
夏蕙BB跟香港前「車神」老公潘炳烈係恩愛夫妻。
夏蕙BB跟香港前「車神」老公潘炳烈係恩愛夫妻。

問到BB點解要走?她爆出一直收埋喺心嘅必走理由:「睇見幾十年嘅老友洪金梅(祥嫂)、鄧碧雲、鳳凰女、李香琴、譚炳文、司徒關佩英等陸續離開,身邊冇晒真正知己,得返自己一個好慘,感覺好孤獨想行開吓,但我唔會因為咁樣厭世,反而更珍惜短暫嘅生命做啲嘢去幫人,自己好幸福,不過有好多老人家冇錢入住老人院,流離失所…最遺憾受疫情影響,名下慈善基金創立老人院計劃受阻,離港後要交由契仔接手處理。」

黃夏蕙跟已故祥嫂(後排左一)和已故鄧碧雲(前排右一)係十多年朋友,(前排右二)是已故祥哥。
黃夏蕙跟已故祥嫂(後排左一)和已故鄧碧雲(前排右一)係十多年朋友,(前排右二)是已故祥哥。

全球有朋友為她扶靈

今次一別,黃夏蕙冇擔心過會一去不返,她毫不避忌說:「呢啲唔到你諗,總之生前開心,將一切嘢搞掂哂就冇遺憾,我四海之內皆兄弟,唔怕冇人扶靈,就算喺香港走,骨灰都會送返去三藩市阿女度,放埋喺祥嫂靈位隔籬,但我唔想咁早(走)。」最後她說:「香港帶畀我全部係美好嘅片段,香港拜拜喇,有缘再會!」

年前夏蕙BB為獨居長者籌款唔避忌,換上閃石壽衣瞓入百幾萬嘅閃石棺木內。
年前夏蕙BB為獨居長者籌款唔避忌,換上閃石壽衣瞓入百幾萬嘅閃石棺木內。
凝望維港兩岸,89歲嘅黃夏蕙好感慨。
凝望維港兩岸,89歲嘅黃夏蕙好感慨。
同輩年紀嘅朋友相繼離世,黃夏蕙每次都會去弔唁,唔介意被嘲做「殯儀之星」。
同輩年紀嘅朋友相繼離世,黃夏蕙每次都會去弔唁,唔介意被嘲做「殯儀之星」。

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

 

關鍵字

最新回應

關鍵字

相關新聞

熱門文章